Kuliviki kuhlelo Woza Friday silo Ishmael Muvingi owazakala ngokuthi ngu ‘Litshe’ kwezomculo. Yena ucula umdumo wakhe awubiza ngokuthi Mix Masala.
ULitshe udume kakhulu esenza imgido yesintu lamaqembu atshineyo. Uthi sekubona kufanele ukuthi laye acule imculo yakulezinsuku ehamba yedwa.
Ngubani uLitshe? "Ngizelwe emulini yabantwana abane, amajaha amabili lamantombazana amabili. Mina ngiyi second born kuleyo muli. I-Primary education yami ngayiyenza eRobert Tredgold Primary School, ngasuka ngasengisiya kuSecondary School eMilton High School lase Inyanda High School. Umculo wami ngiwubiza ngokuthi yi-Mix Masala, ngoba kuhlangene ama genre atshiyeneyo."
UMuvingi uthi umculo wakhe uyimfundiso kodwa ngasikhathi sinye ejabulisa umlaleli.
"Okwenza ngafuna ukuhlabela yikuthi ,vele ukuhlabela ngiyakuthanda yinto engiyithandayo njalo ngithanda ukuthi lapha ekuhlabeleni kwami ngifundise njalo ngithokozise abalaleli ngengoma zami engiyabe ngizicula. Ingoma zami its edutainment, ziyajabulisa njalo zilemfundiso."
Emsebenzini yakhe yezomculo uLitshe ukhona asebenza labo.
"Mina ngisebenza loJoseph Ngubo loDesmond Ntini abayibo oManager bami ku Litshe music. Ngiqale ukuhlabela ngomnyaka ka 1994 lapha engasebenza khona leqembu iSadalaka Amajekete, ngasebenza leqembu le-Siyaya Arts. Ngiqeda lapho ngasengisebenza leqembu Umkhathi Theatre Works okuyikho engisebenza khona lamanje."
Phosela izwi kubalaleli ungakahambi.
"Abalaleli abafuna ukuthola ingoma zami, mina ngitholakala kuma social handles, kuFacebook nguLitshe music, kuInstagram Litshe Samas then laku Whatsapp ngiyatholakala kunombolo zami ezthi 0779667096."
Uqine saka kwezomculo njengelitshe uLitshe ebesikwejise laye kuhlelo Woza Friday.