amalinks wokungena

Breaking News

Ramaphosa: Izizalwane zeZimbabwe Ezibalekela Ukutshabalala Komnotho Zithwalise eleSouth Africa Nzima


Presidente da África do Sul, Cyril Ramaphosa (dir) e Presidente dos Estados Unidos, Joe Biden apertam as mãos na Sala Oval da Casa Branca, em Washington DC. 16 setembro 2022

WASHINGTON DC - UMongameli weleSouth Africa uMnu Cyril Ramaphosa uthi ilizwe lakhe lamanye angomakhelwane athwele nzima ngezizalwane zeZimbabwe ezibalekela ukudilika komnotho elizweni lazo zisiyadinga amadlelo aluhlaza.

URamaphosa wethule amazwi la ngesikhathi ecela uMongameli weMelika uMnu Joe Biden ngoLwesihlanu ukuthi esuse izijeziso zenotho athi zetheswa eleZimbabwe ngeleMelika ngoba kuyizo ezibangela ukubhidlika komnotho okwenza uzulu weZimbabwe abalekele emazweni angomakhelwane.

Ngokunjalo, uRamaphosa ucele uBiden ukuthi esule lezizijeziso ngoba zilomthethela omubi hatshi kuzulu weZimbabwe kuphela kodwa lasemazweni angomakhelwane afana lelakhe.

Kodwa uhulumende weMelika uthi izijeziso lezi azifakelwanga ilizwe lonke jikelele kodwa zafakelwa amalunga-thize ebandla leZanu PF ngoba zisephula amalungelo kazulu.

Uthi njalo isijeziso lezi ayisizo ezibangela ukutshabalala bomnotho weZimbabwe labo bonke ubunzima okukulelilizwe.

UBiden loRamaphosa bahlangane esigodlweni sikaBiden, eseWhite House, eWashington DC.

Ingcwethi kwezombusazwe uDr. Jethro Mpofu utshele iStudio 7 ukuthi uRamaphosa kumele atshele uMongameli Emmerson Mnangagwa ukuthi ahloniphe amalungelo oluntu njalo aqede inkohlakalo ukuze umnotho uvuke, hatshi ukuhluphana loBiden ngezijeziso eziqondane labantu beZanu PF kuphela.

please wait

No media source currently available

0:00 0:02:21 0:00

Facebook Forum

XS
SM
MD
LG