Amalunga ebandla elibusayo eleCitizens Coalition for Change athi aphoselwe intuthu ehitshayo kwabotshwa omunye wabo ngoMgqibelo eMatabeleland South.
UNkosazana Nonhlanhla Mlotshwa, omunye wabaphathintambo bebandla leli, uthi bakhahlanyezwe kabuhlungu ngamapholisa eLegion Mine emhlanganweni wokulungiselela ukhetho lokudinga ukhansila omutsha oluzakwenziwa ngoMfumfu.
Uthi omunye wabo uzamiswa emthethwanda esetheswa icala lokutshotshozela udlakela. Sehlulekile ukuxoxa lesikhulumende samapholisa, uAssistant Commissioner Paul Nyathi, obengaphenduli umakhalekhukhwini.
UMaMlotshwa uthi uhanjiswe esibhedlela esephela umoya. Uthi sebebophisa omkhulu eSun Yet Sen Police Station, obaxotshise lapho abenzele khona umhlangano webandla leli besebenzisa intuthu ehitshayo.
Amapholisa eSun Yet Sen ayalile ukukhuluma ngodaba lolu.