amalinks wokungena

Breaking News

Umka Job Sikhala Ubotshiwe Ngesikhathi Esiyabona Umyeni wakhe eChikurubi Maximum Prison


MP Job Sikhala

WASHINGTON DC - Amapholisa eHarare ngoLwesibili abophe ikhosikazi lesiphathamandla sebandla eliphikisayo eleCCC, uMnu Job Sikhala, ngesikhathi lisiyabona umyeni walo, oselenyanga ezintathu evalelwe eChikurubi Maximum Prison.

Inhlanganiso yamagqwetha, eyeZimbabwe Lawyers for Human Rights, ithi uNkosikazi Sikhala ubotshwe esetheswa icala lokuhamba kucele lomgwaqo elingayisilo njalo wathathelwa imota.

Kodwa ithi uphinde wakhululwa njalo waphiwa lemota yakhe. UNkosikazi Sikhala ukhangelelwe ukumiswa emthethwandaba ngoLwesine.

UMnu Sikhala lamanye amalunga eCCC alitshumi lanhlanu, 15, alokhe evalelwe njalo encitshwa ithuba lokukhululwa ngesibambiso se-bail kulandela ukubotshwa kwabo kunyanga ezintathu ezedluleyo besetheswa icala lokuphehla udlakela eNyatsime.

Umsekeli wesikhulumeli seCCC, uMnu Gift Ostallos Siziba, utshele iStudio 7 ukuthi bayakusola kakhulu ukubotshwa kukaNkosikazi Sikhala, khona athi kuveza sobala ukuthi uhulumende uzimusele ukuqhubeka ngokuhlukuluza amalunga ebandla lakhe.

please wait

No media source currently available

0:00 0:02:40 0:00

Kodwa abeZanu PF labakahulumende bayakulandula lokhu.

Facebook Forum

XS
SM
MD
LG