amalinks wokungena

Breaking News

EleZimbabwe Linxuswa Emhlanganweni weleMelika Lamazwe eAfrica Kodwa uMnangagwa Kanxuswanga


Umongameli Cyril Ramaphosa wakwele South Africa loMongameli Joe BidenweleMelika bese Washington DC. 16 September, 2022
Umongameli Cyril Ramaphosa wakwele South Africa loMongameli Joe BidenweleMelika bese Washington DC. 16 September, 2022

Kodwa umphathintambo obona ngobudlelwano beZimbabwe lamanye amazwe uMnu Frederick Shaba ubikwa enguye ozamela uhulumende.

EleZimbabwe selinxusiwe ukuthi liphatheke emhlanganweni kahulumende weMelika owokukhulumisana labakhokheli bamazwe eAfrica oweUS-Africa Leaders Summit ozaqhutshwela eWashington DC ngoMpalakazi.

Kodwa umphathintambo obona ngobudlelwano beZimbabwe lamanye amazwe uMnu Frederick Shaba ubikwa enguye ozamela uhulumende ngoba uMongameli Emmerson Mnangagwa kanxuswanga ngenxa yezijeziso zenotho azetheswa yiMelika phezu kokwephulwa kwamalungelo oluntu.

Umhlangano lo uzaqala mhlaka 13 ngoMpalakazi uyephela mhlaka 15. Isikhulumeli sikaMnangagwa uMnu George Charamba ubikwa esithi uMongameli weMelika uMnu Joe Biden unxuse eleZimbabwe ngemva kokuba abanye abaholi bamazwe eAfrica bethe nxa iZimbabwe inganxuswanga labo ababuyi.

Asenelisanga ukuzwa kuziphathamandla zeMelika ukuthi lokhu kuliqiniso na. Ukuhlaziya loludaba sixoxe lengcwethi kwezombusazwe uMnu Effie Dlela Ncube.

XS
SM
MD
LG