amalinks wokungena

Breaking News

Abafundisi Bakhulekela Ukuthula eZimbabwe Ngesikhathi Kulungiselelwa Ukhetho Oluqakathekileyo


Abanye abantu abakhulekele ukuthula eBrethren-In-Christ Church koBulawayo ngoLwesine Sept 22, 2022

UBulawayo ubethe gwaqa ngoLwesine emkhosini omkhulu wokuthandazela ukuthula elizweni, owenzelwe enkonzweni eyeBrethren-In-Christ Church, eselokitshini leLobengula.

Umkhosi lo uqoqwe ngumanyano wamabandla ezekholo oweZimbabwe Christian Alliance.

Babuye ngobunengi abantu kulumkhosi kwahlatshelwa, kwathandaza abafundisi bamabandla ehlukeneyo becela abantu ukuthi bangahlukumezani njalo bengalwi bebanga ezombusazwe.

UMfundisi Useni Sibanda, umqondisi womanyano Zimbabwe Christian Alliance, uthi umkhosi lo ngowokuvimba ukumemetheka kodlakela eZimbabwe.

"Namuhla besihlangene singamabandla ako Bulawayo amachurches awehlukeneyo njalo ke besihlangene lama political parties wonke eZimbabwe. Sikhangelele ukuthi sikhuthazane ukuthi kube lokuthula nxa sikhankasa njalo kube lokuthula nxa sisenza inhlelo zethu ezehlukeneyo ezama party ethu. Kubelokuvumelana ngalokho, njalo sinanzelele ama Bishops ethu akhokhela abantu ekukhulukeleni ilizwe njalo lokuthi senze isivumelwano esokuthi bafuna ukuphilisana ngokuthula."

Sello Nare of the National Peace and Reconcilliation Commission.
Sello Nare of the National Peace and Reconcilliation Commission.

Umgcinisihlalo wekomishini ebona ngokuthula lokuxolelana elizweni eyeNational Peace and Reconciliation Commission, uJustice Selo Masole Nare, nguthi bakhankasela ukuthula elizweni.

"Kungathi sihamba sesibona ama different places labanye abanjalo lapho esingalethwa khona we preach peace where ever we go. The president has preached peace, ukuthula ukuthula, that's why that theme ukuthula ukuthula is very very important."

Amabandla ezombuswe lawo aphiwe ithuba lokukhuluma kulumkhosi lapho athembise uzulu ukuthi azasebenzelana ukuze kungaliwa ngesikhathi sokhetho.

UMnu. Jabulani Sibanda
UMnu. Jabulani Sibanda

UMnu. Jabulani Sibanda, umgcinisihlalo webandla leZanu PF esabeweni sako Bulawayo, uthi luqakathekile uhlelo lolu.

"Uhlelo lolu kuhle belufuneka ukuthi luqiniswe kakhulu kade kungabe kukuhle amanye amaPastors belungise into le bakhuluma abantu bamobhilayizwa babanengi kakhulu endaweni enjenge stadium ngoba kuqakathekile ukuthi abantu bebekwazi ukuthi ukubambana kutshoni, Betsheliwe futhi ukuthi libuye ligqoke ama regalia enu beke betshone bendawonye khonapho bebone ukuthi abatshayani kwehlukanwe ngembono kuchasiselwe ukuthi why thina sinje, why thina sibona ngali ndlela and abakhokheli behlangane futhi labo bekhanye behlangana betshengisa abantu ukuhlangana ukwenzela ukuthi kube lokubambana phakathi kwe lizwe."

UNkosikazi Sphiwe Ncubebemele, obemele ibandla leCitizens Coalition for Change, uthe kumele abantu baphile kahle loba kutshiyana indlela ababona ngayo ezombusazwe.

Abacula enkonzweni yeBICC
Abacula enkonzweni yeBICC

"Abantu balesifiso sokubana kube lokuthula elizweni. Abafundisi bayakhuza ukuthi kube lesifiso kube lokuthula elizweni nxa sikhangelane lokhetho lonyaka ozayo. Kukhulunyiwe sibili abantu nxa bengakuthwala ukuthi babekwazi ukuthi ilizwe leZimbabwe lilizwe labantu abakhulekayo abazi uMlimu kumele basebenze ngokuthula besiya khetha uhulumende abamfunayo ozabakhokhelela ekusukeleni kuka 2023 kusiya phambili. Kodwa kasazi ukuthi abantu bazakuthwala yini konke ngendlela abafundiswe ngayo langendlela okukhuthazwa ngayo."

Ibandla leZapu lithi inhlelo zokuthandazela ukuthula elizweni azivamanga ukusebenza ngoba ekhona amabandla ezombusazwe aziwayo ukuthi athanda udlame. UMnu Andrew Ndlovu weZapu uyakufakaza lokhu.

"Hayi lokho kuyimizamo yama church kodwa baqoqoda ongezwayo la. Ngoba umuntu oyalela kupower ongafuni amalungelo abantu ongafuni ukunika amarights okuthi abantu babekuma political parties inshrined in the constitution ukuthi balelungelo lokuthi bazikhethele ama party lobikhokheli, bangavunyiswa ngama church. Siboningani yikuthoba inyoka kodwa vele akutshintshi lutho."

Abantu abahambe ukuyakhulekela ukuthula eZimbabwe
Abantu abahambe ukuyakhulekela ukuthula eZimbabwe

Kulumkhosi bekulentsha enengi ethe iyakhathazeka ngokusetshenziswa ukulwisana bona bodwa zinkokheli zamabandla ezombusazwe ngesikhathi sokhetho.

Kungaleso sizatho uNkosana Zintombizodwa Dube oleminyaka engamatshumi amabili lane, 24 ekhuthaza abasakhulayo ukuthi bengayengwa ngokuzimali okuncane abangakuphiwa ngesikhathi sokhetho.

"Bantu abatsha lingasetshenziswa ngesikhathi sama elections yiskhathi sesiphithiphithi lapha abafuna ukuvotelwa beveza inhlobo yonke yomnotho besibonise lokhuyana sihawukele siyemukele seziswe okubi singabantu abatsha . Ngicela ukuthi kuwe muntu omutsha ungavumi ukusetshenziswa , usetshenziswa ukuthi ngemva kokhetho usale wena usebehlungwini usale wena ulomzwangedwa wokuthi wona kumbe wenza okubi uphiwe i5 rand ngumuntu omdala."

Abe Zimbabwe Christian Alliance bathi loluhlelo lokuthandazela lokukhuthaza ukuthula elizweni luya phambili njalo bazabhoda izigaba zonke zelizwe kuze kuyefika ukhetho lomnyaka ka2023.

Facebook Forum

XS
SM
MD
LG