amalinks wokungena

Breaking News

Okwethulwe NguMudenda Edale leState Duma Kwele Russia Kutshiya Abantu Belemibuzo Eminengi


Jacob Mudenda

Banengi abachothoza usomlomo wedale lephalamende, uMnu. Jacob Mudenda, owethule amazwi akhanya esekela okwenziwa ngele Russia kwele Ukraine ngesikhathi ekhuluma edale leState Duma kwele Russia.

Iphephandaba leChronicle libika ukuba uMudenda utshele idale leli ukuba bayakunanzelela ukuba eleRussia lahlasela eleUkraine kulandela ukufakwa kwezikhali ze-nuclear duzane lomngcele walo ngamazwe entshonalanga.

UMudenda uthi umkhokheli wakwele Russia, uMnu. Vladmir Putin, wananzelela ukuba angahlaselwa ngamazwe la ngakho-ke wahlasela eleUkraine esenzela ukuvimba ukuba engahlaselwa ngamazwe entshonalanga.

EleZimbabwe ngelinye lamazwe aphikisa ukuba eleRussia lifakelwa izijeziso zenotho ngesikhathi kuvotwa kunhlanganiso yamazwe omhlaba wonke jikelele eyeUnited Nations lonyaka.

UMongameli Emmerson Mnangagwa usanda kwethula umbiko wakhe emhlanganweni weUnited Nations General Assembly lapho acele ukube zesulwe izijeziso zenotho ezafakelwa inkokheli yebandla leZanu PF.

Okwenziwe nguMudenda loMnangagwa sekutshiye abantu bengazi ukuba kwenzakalani eZimbabwe. Kodwa abakubandla elibusayo bayakusekela okwenziwa nguMnangagwa labanye abakhe.

UMnu. Joseph Tshuma, okudale leCentral Committee kubandla leZanu PF, uthi ubudlelwano bakwele Zimbabwe lamanye amazwe abuhambelani lenzondano evezwa ngamanye amazwe achothoza okumangalisayo okwenziwa ngele Russia kwele Ukraine.

Kodwa uMnu. Msongelwa Ndlovu, isikhulumeli sebandla leZapu, uthi yisivukampunzana okwenziwa nguhulumende kaMnangagwa.

Facebook Forum

XS
SM
MD
LG