Ibandla leCitizens Coalition for Change lithi lisungula ngokusemthethweni namuhla ekuseni ugwalo olumumethe imicijo eyisikhombisa echasisa indlela okufanele imithetho yokhetho ihlelwe ngayo, olulesihloko esithi, “Prepare: Pre-Election Pact on Electoral Reforms,” ngenjongo yokuthi kungaphikiswana ngempumela yokhetho kumbe indlela oluqhutshwa ngayo njengenhlalayenza.
Lokhu kuvezwe nguNkosikazi Ellen Shiriyedenga, isiphathamandla esibona ngenhlelo zokhetho kulelibandla, yena othi banxuse amalunga edale lephalamende, awe khansili, inhlanganiso ezizimeleyo, abamela amanye amazwe eZimbabwe, kanye lenhlanganiso zikahulumende ezigoqela i Zimbabwe Electoral Commission, National Peace and Reconciliation Commission, leNational Gender Commision.
Asizweni uNkosikazi Shiriyedenga echasisa ngaloludaba kungxoxo ayiqhube loSithandekile Mhlanga weStudio 7.
