amalinks wokungena

Breaking News

Umlobi Olodumo uTsitsi Dangarembwga Lomunye Wakhe Batholakala Belecala Lokutshotshozela Udlakela


UNkosazana Tsitsi Dangarembga

UNkosazana Tsitsi Dangarembwga, umlobi wengwalo olodumo njalo olwela ilungelo loluntu, lomunye wakhe uNkosazana Julie Barnes, sebetholakale belecala lokutshotshozela udlakela.

Inhlanganiso yamagqwetha eyeZimbabwe Lawyes for Human Rights ithi uMantshi uBarbara Mateko ubagwebe ukuba bevalelwe ejele okwenyanga eziyisithupha njalo behlawule inkulungwane ezingamatshumi ayisikhombisa zamadola - $70,000 - umuntu munye ngamunye. UMaketo ubeke eceleni isigqwebo lesi esithi akumelanga benze okufanayo phakathi kweminyaka embalwa elandelayo.

UNkosazana Tangarembgwa loNkosazana Barnes babotshwa ngoNtulikazi ngomnyaka ka2020 betshengisela emgwaqweni eHarare bekhala ngokwephulwa kwelungelo loluntu lokunye.

Babotshwa ngesikhathi abaphikisayo bezama ukutshengisela emigwaqweni bekhonona ngobukhohlakali obumemetheka eZimbabwe kanye lokwephulwa kwelungelo loluntu.

UDangarembgwa waziwa njalo ngokuba ngumqondisi kumabonakude lapho ethulela khona uzulu okokulingisa okutshiyeneyo. Sewathola izicoco ezimbalwa ngokuloba ingwalo. Ulogwalo olulesihloko esithi ‘Nervous Conditions’, oluthakazelelwa ngabantu emhlabeni wonke jikelele.

Facebook Forum

XS
SM
MD
LG