amalinks wokungena

Breaking News

Luyamemetheka Udlakela Lwezombusazwe eZimbabwe


FILE: Abanye abantu abakebabotshwa ngomnyaka ka2019 uzulu etshengisela emigwaqweni ekhonona ngokwenzakala elizweni okugoqela ukukhutshulwa kwentengo yamafutha ezimota

Amalunga ebandla leZanu PF, asanda kuhlasela akubandla leCitizens Coalition for Change eMasvingo lapho ababatshaye babatshiya bematasatasa.

Lokhu ngokunye okwenzakala eZimbabwe osokubotshwe abanye abaphikisayo, abagoqela amalunga edale lephalamende uMnu. Job Sikhala loMnu. Godfrey Sithole labanye babo, okuthiwa batshotshozela udlakela eNyatsime kulandela ukubulawa komunye wabo, uNkosikazi Moreblessing Ali.

Inhlanganiso ehlolisisa ezombuszawe lokunye eyeZimbawe Peace Project isanda kubika ukuba ngoNcwabakazi kulabantu abedlula kancane amakhulu amabili lengxenye – 257 abakhahlanyezwa ikakhulu libandla leZanu PF, amapholisa lamasotsha eZimbabwe.

Konke lokhu kwenzakala ngesikhathi eleZimbabwe lilungiselela ukhetho oluzaqhutshwa ngomnyaka ozayo.

UMnu. Msongelwa Ndlovu, isikhulumeli sebandla leZapu, othi akumangalisi okwenziwa libandla leZanu PF eselikhahlameze uzulu kusukela ilizwe lithola uzibuse.

Kodwa uMnu. Believe Gaule, ilunga lebandla elibusayo, uthi amabandla aphikisayo aphehla udlakela eZimbabwe.

Facebook Forum

XS
SM
MD
LG