amalinks wokungena

Breaking News

Ababalisi Abasekela uMnangagwa Sebebaleka Ezikolo Besiya Khankasela Ukhetho Oluzayo


Bakhankasa ngamandla ababalisi abakuhlanganiso eyeTeachers for ED.

Izakhamizi eLupane zithi ababalisi okuthiwa basekela uMongameli Emmerson Mnangagwa phansi kohlelo olubizwa ngokuthi ‘Teachers for ED’ sebetshona bekhankasela ukhetho oluzayo hatshi ukufundisa abantwana.

UMnu. Thembelani Moyo, isakhamuzi seKwarai eLupane, uthi banengi ababalisi abangene kuhlelo lolu okwamanje abasebhinga emhlanganweni wokukhankasela ukhetho oluzayo.

UMoyo uthi abantwana sebetshona bebhodabhoda ezikolo ababalisi bona besenza sandanto.

Uthi lokhu kubisela muva imfundo yabantwana esigabeni lesi, esaziwa ngokuba labantwana abanengi abangenzi kahle ezifundweni.

Sehlulekile ukukhuluma ngodaba lolu labaphathintambo bezemfundo kanye labakubandla leZanu PF eMatabeleland North.

Facebook Forum

XS
SM
MD
LG