amalinks wokungena

Breaking News

Indosakusa The Morning Star Ilungiselela Ukuvezela Uzulu Idlalade Elitsha


Indosakusa

Kuhlelo Woza Friday kuliviki sileqembu lamajaha wodwa acula umdumo wesicathamiya ahamba ngegama lokuthi Indosakusa The Morning Star becula beko Bulawayo.

Leliqembu lidla amalangabi njalo lilabalandeli abanengi emhlabeni wonke jikelele. Indlela abacula ngayo isicathamiya kuqumbaqumba abalandeli balumculo abanengi.

UInnocent Sibanda umele leliqembu, yekela sizwe imbali yeNdosakusa ngamafitshane.

Indosakusa ...
Indosakusa ...

"Nigmele iqembu le Indosakusa The Morning Star, eyaqala ibizwa ngokuthi Impumelelo Shining Stars eyabunjwa mhlaka 7 May 2001 endaweni yase Nameni eGwanda ngaphansi kwenduna uMathema. Sesisuka kuMpumelelo Shining Stars ngokuya kwesikhathi sesisithi Indosakusa The Morning Star. Indosakusa The Morning Star ilamalunga ayisikhombisa. Sesi lamadlalade afika 12."

Basuka batshintsha igama ellithi Impumelelo Shinning Stars abasungula ngalo iqembu bezibiza Indosakusa Morning Star. Kwakutheni Mdawini?

"Okwasiyenza sitshintshe igama kahlekahle, Impumelelo Shining Stars sakunanzelela ukuthi zinkanyezi ezinengi kakhulu, odingu swele ukuthi uzalandela yiphi. Sasesikubona kufanele ukuthi kumele silandele inkanyezi eyodwa yikho sabuya legama elithi Indosakusa The Morning Star. Okwasenza sathanda kakhulu ukuhlabelelaumculo wembube, ischathamiya yiBlack Mambazo."

Sebeledlalade labo elitsha abalikhipha emcimbini wabo ngoMgqibelo koBulawayo kusitsho ukuthi sebelamadlalade alitshumi lambili.

Indosakusa
Indosakusa

"… Idlalade lelo lilesihloko esithi ‘Isililo sentandane’. Siyalinxusa kuyo yonke indawo okhona ukubana sizoncedisana sissekele lomculo wasekhaya ogcine ubuntu bethu. UJoseph Shababalala ubaba osowadlulayo emhlabeni nguye owasikhuthaza kakhulu ngomculo."

Iqembu Ie Indosakusa lithi licela uzulu alisekele ngokuthenga umculo walo. Bayatholokala ukukuculela lawe mlaleli.

"Abasifunayo ukusi siya entertainer kuma events wonke ongawacabanga. Abasifunayo ungangena ku-social media platforms wonke ubhale Indosakusa The Morning Star uyosithola. Then abafuna ukusibamba emafonini ngu 0771633860."

NgoMgqibelo akubizwa ozwayo lapho iqembu le Indosakusa The Morning Star liyabe liphakulela uzulu idlalade labo elitsha ellithi Isililo Sentandane koBulawayo.

Facebook Forum

XS
SM
MD
LG