Izulu lesikhulula libhidlize izindlu zabantu abanengi eFlorida, abagoqela abadabuka eZimbabwe abahlala eFort Meyers, Orlando lezinye indawo.
Izulu leli libulele abantu abafika amatshumi amane - 42. Kukhangelelwe ukuba lizakhuphuka inani labantu ababulewe lizulu leli.
Abadabuka eZimbabwe abahlala eFlorida uHurricane Ian libatshiye bethithibele ngoba izulu leli libhidlize izakhiwo zabo. Bathi okwamanje bazama ukulungisa izindlu zabo.
Abezindaba abeReuters bakika ukuba umphathi wesigodlo lesi, uMnu. Ron Desantis, uthi kulezigaba ezifana leFort Meyers ezibhidlike okumangalisayo.
Uthi kuzafunakala imali enengi kakhulu eyokulungisa okonakale esabelweni sonke ngoba amabholoho, izindlu, amasimu lokunye kubhidlikile.
UMnu. Runyararo Mazana, odabuka ezimbabwe ohlala eFlorida, uthi konakele kakhulu emzini wakhe lezinye indawo.