amalinks wokungena

Breaking News

Amalunga Amabandla Aphikisayo Akhala Ngodlakela Abathi Lutshotshozelwa nguMnangagwa


FILE: UMongameli Emmerson Mnangagwa ekhuluma labantu eZvimba, Nov. 24, 2018. (C. Mavhunga/VOA)

Bakhala ngodlakela lwezombusazwe abakumabandla aphikisayo eZimbabwe langokubotshwa mahlayana kwamalunga abo.

Bathi amanye amalunga abo atshaywa ngabacatshangelwa ukuba besekela uhulumende kaMongameli Emmerson Mnangagwa ngesikhathi bekhankasela ukhetho oluzayo kumbe beginga abantu bokubhalisela ukuvota.

Bathi okwamanje kulabantu abedlula amatshumi amahlanu abakumabandla aphikisayo abavalelwe entilongweni okuthiwa batshotshozela udlakela.

Abavalelwe entilongweni bagoqela amalunga ebandla leMthwakazi Republic Party, Citizens Coalition for Change lamanye.

UMnu. Believe Gaule, okubandla leZanu PF, uthi uhulumende kaMnangagwa ukhuthaza ukuthula eZimbabwe hatshi udlame.

Kodwa uMnu. Msongelwa Ndlovu, isikhulumeli sebandla leZapu, uthi uMnangagwa uyaziwa ngodlakela lwakhe lokwephula ilungelo loluntu.

Facebook Forum

XS
SM
MD
LG