amalinks wokungena

Breaking News

UMusengezi Uthi Wethuswe Yikubhonjwa Kwendlu Yakhe Ngabacatshangelwa Ukuba Badlelana loMongameli Mnangagwa


Abacatshangelwa ukuba badlelana loMongameli Emmerson Mnangagwa lohulumende wakhe babhombe indlu kaMnu. Sybeth Musengezi
Abacatshangelwa ukuba badlelana loMongameli Emmerson Mnangagwa lohulumende wakhe babhombe indlu kaMnu. Sybeth Musengezi

UMnu. Sybeth Musengezi, ofisa ukuba uMongameli Emmerson Mnangagwa asuswe esikhundleni sika nobhala jikelele webandla leZanu PF, uthi usedlela evalweni kulandela ukubhonjwa kwendlu yakhe izolo kusihlwa eHarare ngabacatshangelwa ukuba badlelana lohulumende.

UMusengezi uthi abantu abahlome baphelela baphosele amabhomba emoteni yakhe bazama ukujikela amanye endlini lapho aphume khona nzima lomdeni wakhe.

Ucabangela ukuba abenze lokhu ngabafuna ukuthi ayekele udaba olusedale leHigh Court. Waphanyeka olunye njalo udaba enkantolo le esithi kumele kumiswe umhlangano webandla leZanu PF Congress okumele wenziwe lonyaka.

Uthi bonke abasezikhundleni kubandla leli bangena kulandela ukugenqulwa kowayengumongameli, umuyi uRobert Mugabe.

UMnu. Nqobani Sithole, ingqwetha lika Musengezi, uthi kuyethusa okwenzakale endlini kaMusengezi.

XS
SM
MD
LG