amalinks wokungena

Breaking News

Udaba Lokuphikiswa Kokukhethwa KukaMongameli Mnangagwa Lukhangelelwe Ukuqala Ukuthoniswa Namuhla Emthethwandaba


UMnu. Sybeth Musengezi.

Owayengumsekeli kaMugabe, uMnu. Phelekezela Mphoko kwakumele abe nguMongameli okwesikhatshana ngesikhathi uMugabe esexotshiwe kodwa uMnangagwa wahle wazingenela esikhundlen

Udaba lokuphikiswa kokukhethwa kukaMongameli Emmerson Mnangagwa luyaqala ukuthoniswa namuhla emthethwandaba ngemva kokutshiselwa indlu kukama managala, uSybeth Musengezi.

Indlu kaMusengezi ibikwa iphoselwe ibhomba lepetulo ngoMgqibelo okubonkala njengokumethusela.

UMusengezi wasa udaba lokuthi uMnangagwa kakhethwanga ngokusemthethweni ukuthi abe ngumkhokheli webandla le Zanu PF ngesikhathi kuze kususwe uMnu. Robert Mugabe.

Owayengumsekeli kaMugabe, uMnu. Phelekezela Mphoko kwakumele abe nguMongameli okwesikhatshana ngesikhathi uMugabe esexotshiwe kodwa uMnangagwa wahle wazingenela esikhundleni.

Njalo uMusengezi uthi ingatsha zebandla ezakhetha uMnangagwa zazingahlelwanga ngemfanelo kulandelwa isisekelo sombuso welizwe.

Esinye njalo isiphathamandla sebandla le Zanu PF, uMnu. Goodson Nguni wafaka amaphepha okusekela uMnangagwa kodwa uMusengezi uyakuphikisa ukungenela kukanguni.

Umsekeli wesikhulumeli sebandla le CCC, uMnu. Felix Magalela Mafa Sibanda usithumele umlayezo olandelayo esola ukubhonjwa kwendlu kaMusengezi.

Facebook Forum

XS
SM
MD
LG