UNkosikazi Monica Mutsvangwa, umphathintambo kahulumende obona ngokwethulwa kwemibiko, uthi kunengi okwenziwe nguhulumende wakhe lonyaka ukwenzela ukuba intathelizindaba zisebenze zikhululekile eZimbabwe.
UNkosikazi Mutsvangwa, owenze umhlangano omkhulu kuliviki lentathelizindaba, uthi kulemithetho ebunjwe nguhulumende eyenzelwe ukuba kubelula ukuthi abaloba izindaba besebenze ngemfanelo.
Uthi ukwesulwa komthetho oweAccess to Information and Protection of Privacy Act ngokunye okuveza ukuba uhulumende kaMongameli Emmerson Mnangagwa uzimisele ukuguqula indlela okuthatshwa ngayo izindaba eZimbabwe.
Wethule lokhu ngesikhathi inhlanganiso yeCommittee to Protect Journalists isithi kumele eleZimbabwe lekele ukuthwalisa nzima intathelizindaba, ezigoqela uHope Chizuzu, okuthiwa waloba amanga ngoMoses Chunga labanye bakhe abakuqembu leDynamos Football Club.
UMnu. Njabulo Ncube, okhokhela inhlanganiso yabahleli bezindaba eyeZimbabwe Editors Forum, uthi kunengi okumele bekuxoxe loNkosikazi Mutsvangwa ngeviki ezayo.