Ibandla leZanu PF linqobe eleCitizens Coalition for Change (CCC) kukhetho lwama by-elections oluqhutshwe izolo eNyanga leMberengwa.
IZimbabwe Electoral Commission yethule umbiko enkundleni yokuxhumana eyeTwitter othi uMnu. Simon Nyazenga owebandla leZanu PF, othole amavoti afika phose amakhulu amane (378), unqobe uMnu. Taurai Artwell Tichiwangani oweCCC othole amavoti edlula kancane ikhulu lamashumi amabili – 123 kuWard 27 eNyanga.
EMberengwa kuWard 15, uMnu. Nkonzo Albenias owebandla leZanu PF, othole amavoti edlula amakhulu ayisikhombisa lengxenye (756), unqobe uMnu. Conias Dhongijena yena obelamavoti edlula ikhulu lamatshumi ayisithupha (165).
Ukhetho lolu lwenziwe kulandela ukubhubha kwamakhansila amabili awebandla leZanu PF – uMnu. Ravasingadi Zhou (Mberengwa) loMnu. Collins Matongo (Nyanga).
Inhlanganiso ebona ngezokhetho eyeZimbabwe Elections Support Network ithi bekulokuthula ngesikhathi kuqhutshwa ukhetho lolu kodwa kubelabantu abanengi abancediswe ukuvota.
Abantu laba bagoqela asebekhululi labanye abathe abakwazi ukubala.