Uhulumende uthi sebehlolisisa izikhalazo zezisebenzi zomsakazo weZimbabwe Broadcasting Corporation ezikhala ngeholo eliphansi.
UMnu. Kindness Paradza, umsekeli wohlangothi lukahulumende olubona ngokwethulwa kwemibiko, uthi balethemba lokuthi bazalungisa okuhlupha izisebenzi lezi.
Ezinye izisebenzi zomsakzo weZBC zithi zihola amatshumi amahlanu amadola – US$50 ngenyanga ngakho-ke sesifikile isikhathi sokuthi bekhulume loMongameli Emmerson Mnangagwa ngababhekane lakho.
UParadza uthi bazaphatha udaba lolu ngemfanelo.
UMnu. Ambrose Sibindi, okunhlanganiso yezisebenzi eyeZimbabwe Congress of Trade Unions, uthi zinengi izisebenzi ezihola imali encane eZimbabwe.