Izizalwane zezigabeni ezitsheyeneyo zeZimbabwe zikhala ngokuthi uhulumende kaxoxisani lazo lapho ehlela ukuthuthukisa izigaba.
Zithi lokhu kubangela ukuthi uhulumende acina esenza okungafanelanga. EMuzarabani esigabeni seMashonaland Central, abadala sebecele uncedo emaqgwetheni ukubana abamele kumthethwandaba ngemva kokutshelwa ukuba bayadudulwa lapho abahlala khona ukwenzela ukuthi indawo leyo yenziwe idolobho.
Lokhu kulandela izakhamizi zesigabeni seHwange ezinqobe edabeni abaluhambisa phambi komthethwandaba omkhulu koBulawayo, becela ukubana kumiswe uhlelo lokwakha inkundla yomjaho wezimota (racecourse).
Izakhamizi zakulumango zithi sokubhahile ukuthi badelelwe, bengakhulunyiswa nxa kuqoqwa inhlelo ezinje.
Sixoxe loMnu. Godfrey Dube, umeli weHwange East edale lephalamende ngaloludaba.
“Njengomuntu okhokhele lesigaba ngithandukuthi ngibonge indlela izakhamuzi ezenze ngayo ukuthi zibambene zi-bring-e up i-interjection kundaba le eyokuthi kuyakhwe i-racecourse.” Kutsho uMnu. Dube.
“Ngokwazi kwami okupheleleyo, indaba le lami ngithe ngingena kule ihofisi ngithole ivele iphila, kodwa angizange ngithole lami uku-consulthwa okupheleleyo. Akulamuntu owangilandayo engazisa ngakho. Engikukhohlwayo, lezakhamizi bahambe bazidelela nje. Kabazange bakhulumisane labo.”
Wengeze esithi: “So, sithande ukuthi sibonge indlela iHigh Court eyenze ngayo ukuhlonipha izakhamuzi ukuthi ifake the judgment the in favor of abahlali bakuyonaleya ndawo. Siyakwazi mhlophe sonke ukuthi lindawo yase Victoria Falls, loZmabzi kuyindawo ethandwa yizivakatshi, kuyimdawo kuZmbezi okwenziwa khona o-rafting lani lani. Kuyindawo okuhleli khona izinyamazana. Manje nxa sesiphinda sihamba sixotsha abantu, siphinde sixotshe lezinyamazana ezikuleyana ndawo ngokuthi sekumele sitshone sidumisa izimota, kambe i-racecourse iqakatheke kangakanani ukwedlula impilo zabantu, abahlali baleyindawo?”
Kasenelisanga ukukhuluma leziphathamandla zikahulumende ngodaba lolu.