Abakubandla leCitizens Coalition for Change (CCC) bathi ngamanga aluhlaza tshoko ukuba uMnu. Job Sikhala labanye bakhe abavalelwe eChikurubi Maximum Prison benze umhlangano izolo loMnu. Douglas Mwonzora, okhokhela ibandla leMovement for Democratic Change (MDC).
UMnu. Freddy Michael Masarirevu, igqwetha lika sikhala loMnu. Godfrey Sithole, lithi ababili laba balile ukukhuluma lomwonzora, obikwa ukuba ubhodabhode duzane lesango leChikurubi Maximum Prison, wama ngaphansi kwesihlahla watshela intathelizindaba ukuba usevela babona.
UMasarirevu uyakuphika ukuba uMwonzora uhlangane lababili laba, abazonde okumangalisayo okwamanje ngokwenziwe ngumkhokheli weMDC-T.
Lokhu kugcizelelwe nguMnu. Ostallos Siziba, umsekeli wesikhulumeli sebandla leCCC, othi uMwonzora usenga ezimithiyo.
Kodwa uMnu. Witness Dube, obona ngokwethulwa kwemibiko kubandla leMDC-T, uthi uMwonzora uxoxe losikhala kanye lo Sithole okwesikhathi eside.