amalinks wokungena

Breaking News

UMnangagwa Uthi Izinduna Kumele Zikhokhele Udaba Lombhuqazwe weGukurahundi


UMnangagwa unika induna Fortune Charumbira ugwalo olujulileyo olumayelana lombhuqazwe weGukurahundi. (Photo: Ministry of Information)
UMnangagwa unika induna Fortune Charumbira ugwalo olujulileyo olumayelana lombhuqazwe weGukurahundi. (Photo: Ministry of Information)

UMongameli Emmerson Mnangagwa namuhla wethule ugwalo olujulileyo olulotshwe nguhulumende wakhe olunika izinduna amandla okukhuluma lozulu ngombhuqazwe weGukurahundi.

UMnangagwa, owethule lokhu esigodlweni sikamongameli koBulawayo, uthe uhlelo lolu luzaqala kunsukwana ezilandelayo.

UMongameli Emmerson Mnangagwa. (Photo: Ministry of Information)
UMongameli Emmerson Mnangagwa. (Photo: Ministry of Information)

UMnangagwa wetheswa umlandu wokuba ngomunye walabo abaphatheka kumbhuqazwe weGukurahundi.

Uyakuphika lokhu esithi kazange aphatheke ekubulaleni abantu abafika inkulungwane ezingamatshumi amabili – 20,000 abafela ezandleni zeGukurahundi eMatabeleland leNkabazwe eleZimbabwe lisanda kuthola uzibuse.

Ezinye izinduna ezingene umhlangano eState House koBulawayo ngoMvulo. (Photo/Credit: Min. of Information)
Ezinye izinduna ezingene umhlangano eState House koBulawayo ngoMvulo. (Photo/Credit: Min. of Information)

UMnu. Mbuso Fuzwayo, umkhokheli wenhlanganiso yeIbhetshu Likazulu, uthi uMnangagwa akumelanga ukuba akhokhele uhlelo lombhuqazwe weGukurahundi.

Kodwa uMnu. Joseph Tshuma webandla leZanu PF, uthi uMnangagwa njengomongameli welizwe ulelungelo lokukhokhela inhlelo zonke elizweni.

Uhulumende waqala kudala ukukhuluma ngombhuqazwe weGukurahundi esithi udaba lolu kumele lulungiswe.

Kwake kwagejwa lamathambo ababulawa ngesikhathi sombhuqazwe lo esigabeni seDete. Abantu abanengi bazonda kakhulu besithi akumelanga kubanjwe okulahlelwa khona ababulawa yiFive Brigade.

XS
SM
MD
LG