amalinks wokungena

Breaking News

Udlakela Lwezombusazwe Lukhathaza Abantu Abanengi eZimbabwe


Amalunga ebandla leCCC atshaywe ngawe Zanu PF eMatobo, esabelweni seMatabeleland South. (Photo: CCC)

Kulamalunga ebandla leCitizens Coalition for Change (CCC) abalimele kakhulu kulandela ukuhlaselwa kwabo ngabakubandla leZanu PF eMatobo leInsiza ngesikhathi bekhankasela ukhetho lwama by-elections oluzayo.

Omunye wabalimele kakhulu nguNkosikazi Jasmine Toffa, omele iBulawayo Metropolitan edale lephalamende, owephuke izandla zombili.

Bedlula isikhombisa abalimele kakhulu kusehlakalo lesi. Ababona ngokwenzakalayo bathi kuzaqhamuka udlakela olukhulu ngesikhathi sokukhankaselwa ngamandla ukhetho oluzakwenziwa ngomnyaka ozayo.

Ngobani abaphehla udlakela lolu njengoba ibandla elibusayo lalo lisithi abalandeli balo bahlaselwa ngamalunga ebandla leCCC?

UMnu. Joseph Tshuma, owebandla leZanu PF, uthi intathelizindaba lazo ziphehla udlakela eZimbabwe.

Kodwa uMnu. Fortune Mlalazi, ingcwethi kwezombusazwe ezimeleyo, uthi ibandla elibusayo laziwa ngodlakela lwezombusazwe.

Facebook Forum

XS
SM
MD
LG