amalinks wokungena

Breaking News

Inhlanganiso yeUSAID Inika Abaswelayo eNkayi, Mangwe Lezinye Izigaba Ezibhekane Lendlala


IWFP izakwabela abantu abafika 700,000 ukudla eBikita, Buhera, Chivi, Hwedza, Mangwe, Mt. Darwin, Mudzi leNkayi.

Inhlanganiso kahulumende wakwele Melika ephathisa amazwe womhlaba ngokudla lokunye, eyeUnited States Agency for International Development (USAID), ngoLwesine inike eleZimbabwe phose izigidi ezingamatshumi amathathu lesikhombisa samadola eMelika – US$36,7 million yokudla kwabantu abaswelayo eZimbabwe.

Phansi kohlelo lolu, oluzaqhutshwa yinhlanganiso yeWorld Food Programme (WFP) kusukela ngoMfumfu kusiya kuMbimbitho womnyaka ozayo, luzanceda abantu abazinkulungwane ezingamakhulu ayisikhombisa – 700,000.

Umholi wesigodlo sommeli weMelika eZimbabwe, uNkosazana Elaine French, uthi ukudla lokhu kuzanceda abantu eBuhera, Hwedza, Mudzi, Bikita, Chivi, Nkayi, Mangwe leMount Darwin.

Abantu bazaphiwa amabele, indumba lamafutha okupheka.

Emkhosini wokunikezwa loluncedo lwemali kwabe WFP ngabe USAID bathe bazasebenza logatsha lukahulumende olubona ngezesisebenzi lanhlalakahle kazulu.

Isakhamuzi seHarare, uMnu. Alphious Mapuranga, uthi ngabe loluncedo lugoqela labasemadolobheni ngoba kulezinye imuli ezidubekayo okwamagama ezingela mizi emaphandleni.

“Kuzanceda kakhulu lokhu ngoba abantu bathwele nzima. Ngabe uncedo lolu luza lasemadolobheni ngoba indlala isikhona lasemadolobheni.’

Imizamo yokuthola imibono ka hulumende ngalokhu yehlule, kodwa kumaviki asanda kwedlula umphathintambo wokukhitshwa kwemibiko, uNkosikazi Monica Mutsvangwa, uveze ukuba ele Zimbabwe lilokudla okwaneleyo.

Ucwaningo olwenziwe ngabe Zimbabwe Vulnerability Assessement Committee luveze ukuba abantu abafika phose izigidi ezine - 3,8 million bazabe bebhekane lodubo lokuswela ukudla phakathi kuka Mfumfu kusiya kuMbimbitho womnyaka ozayo.

Facebook Forum

XS
SM
MD
LG