amalinks wokungena

Breaking News

Amalunga Ebandla leCCC Atshaywa eInsiza Ngabe Zanu PF Elokhu Ehlukuluzwa Ezindlini Zawo, Kutsho Lelibandla


U-Senator Khaliphani Phugeni esesibhedlela ukuzobona uKhulu uNcube owatshaywa eInsiza.

Amalunga ebandla le CCC ahlaselwa eInsiza le Matobo, abalisa omela iBulawayo edale lephalamende, uNkosikazi Jasmine Toffa, belokhu belaliswe esibhedlela beselatshwa.

USenetha Khaliphani Phugeni ovakatshele abanye abalimalayo ababalisa omunye ukhulu oleminyaka engamatshumi ayisikhombisa lane, 74 laye otshaywe walimala kabuhlungu, uthi bakhanya ababili laba bephakathi kobuhlungu.

Ke sizwe ingxoxo esiyenze laye:

please wait

No media source currently available

0:00 0:03:22 0:00

Ibandla leCitizens Coalition for Change lithi amalunga alo alokhe ehlukuluzwa ngendlela ezehlukeneyo ngabacatshangelwa ukuthi ngamalunga ebandla leZANU PF avakatshela ezinye izikhamizi eMatobo leInsiza ezibuzisisa ngodlakela olusanda ukuqhamuka kulezindawo, lapho okukhangelelwe ukuqhutshwa ukhetho lwama by-lections kusasa.

Umgcinisihlalo weCCC kuleso isigaba uMnu. Solani Njemnyama Moyo utshele uSithandekile Mhlanga weStudio 7 ukuthi lanxa kunjalo, bakhuthaza abantu ukuthi bayevota ngobunengi babo.

please wait

No media source currently available

0:00 0:03:27 0:00

Lowo nguMnu. Solani Njemnyama Moyo, umgcinisihlalo webandla leCCC, obexoxa ecingweni loSithandekile Mhlanga weStudio 7 ekoBulawayo. Amapholisa athi asadingisisa ngaloludlakela.

Umgcinisihlalo webandla leZANU PF, eMatabeleland South uMnu. Nqobizitha Mangaliso Ndlovu utshele umasakazo weStudio 7 kunsukwana ezedluleyo ukuthi ibandla lakhe ayisolo elibangela udlakela njalo kufanele abantu belondoloze ukuthula besalindele impumela yokudingisisa kwamapholisa ngaloludaba.

Facebook Forum

XS
SM
MD
LG