amalinks wokungena

Breaking News

Uhulumende Usungula Uhlelo Lokuhlaba Abantwana Ijekiseni Yokwenqabela iPolio


FILE: Uhulumende usungula uhlelo lokuhlaba abantwana ijekiseni yePolio. (Ministry of Health)

Abakuhlangothi lwezempilakahle bazakwethulela uzulu uhlelo lokuhlaba abantwana ijekiseni ye-polio kusukela ngoLwesine kusiyafika uMgqibelo.

Uhlangothi lolu lwethule umbiko lo namuhla enkundleni zokuxhumana lusithi abezempilakahle bazangena ezindlini lapho abazahlaba khona abantwana abaleminyaka emihlanu kusiya phansi. UDokotela Maphios Siamuchembu, umkhokheli wezibhedlela esigabeni sakoBulawayo, uthi luqakatheke kakhulu uhlelo lolu.

Lokhu kusekelwa nguDokotela Sitshengisani Vuma, okunhlanganiso yabodokotela eyeProgressive Doctors’ Association.

UDokotela Vuma ukhuthaza abazali ukuba behlabise abantwana ngoba uyingozi umkhuhlane we-polio.

Kulungiselelwa ukuhlaba abantwana ijekiseni yokwenqabela umkhuhlane we-polio. (Photo: Ministry of Health)
Kulungiselelwa ukuhlaba abantwana ijekiseni yokwenqabela umkhuhlane we-polio. (Photo: Ministry of Health)

Omunye njalo okwezempilakahle, uVusumuzi Mkandla, laye uyakusekela lokhu.

UMkandla uthi i-polio ngumkhuhlane ovikelekayo.

Abezempilakahle bathi baqhuba lumkhankaso bemanyene labohlangothi olufanayo lwakwele Zambia njengoba lumkhankaso uqhutshwa lakwamanye amazwe asemhlubulweni wangezansi yezwekazi leAfrica. Ele-Zimbabwe libikwa lacina ukuba lesehlakalo se-polio ngomnyaka ka1989 sona esaphazanyiswa ngempumelelo yokusiqeda ngomnyaka ka2005. Kunsukwana ezisanda kwedlula, kuqhamuke igciwane lepolio kwele Malawi lakwele Mozambique.

Facebook Forum

XS
SM
MD
LG