amalinks wokungena

Breaking News

'Umnotho weZimbabwe Unjengokutshova Amakhasi'


Zimbabwe Economy Inflation
Zimbabwe Economy Inflation

I-economy yeZimbabwe ihlupha ngokuthi lilizwe lapho vele abanye abantu abazitshovela amakhasi. Nxa bevuka, kabavuki becabanga ukuthi baya runner aba-business using conventional ways esizijayeleyo. Hayi, bavuka nje besiya emakhasini. Yikho engingakutsho.”

Umumo wezomnotho kwele Zimbabwe uqhubekela phambili usinda abanengi.

Abantu bakhala ngokuswelakala kwemisebenzi, noma ilizwe ligcwele abantu abafundileyo, osokusenza ukuthi wonke umuntu azame ukuthengisa loba yiyiphi impahla kumbe ukudla.

Ingcwethi zithi kuzathatha iminyaka eminengi ukubana lowo mumo uguquke ngoba kuvele kufanele kulungiswe ngaba phezulu. IStudio 7 ixoxe loMnu. Bulisani Ncube, usomabhizimusi wakoBulawayo ngaloludaba.

UNcube uthi, “I-economy yeZimbabwe iyahlupha ngoba kayilandeli ibasic economics okwenzakala kwamanye amazwe yikuthi kuyabe kukhulunywa ngokuthi, here are economic findamentals, ezenza ukuthi izinto zihambe zithi. I-economy yeZimbabwe ihlupha ngokuthi lilizwe lapho vele abanye abantu abazitshovela amakhasi. Nxa bevuka, kabavuki becabanga ukuthi baya runner aba-business using conventional ways esizijayeleyo. Hayi, bavuka nje besiya emakhasini. Yikho engingakutsho.”

“Abantu sebajayela, like engikutshoyo ukuthi sisemakhasini. Lawe nxa uvuka ekuseni, uyavuka udinga ukuthi uyakusiphi istiki sama khasi lapho ozakuyatshova khona ubone ukuthi kwenzakalani. Okuyi ilanga liyathi litshona uphume longaphuma lakho."

Uthe nxa kukhulunywa ngebhizimusi eyayisenziwa kudala, sokuyimbali lokho ngoba ilizwe livele kalisela mkhonomi ongakhulunywa ngawo.

Ubuye wathi sokukondoda zibonele eZimbabwe, njalo kuzathatha isikhathi eside ukulungisa umumo wezomnotho kuleli, njalo uhulumende nguye ofanele alungisise lumumo.

XS
SM
MD
LG