amalinks wokungena

Breaking News

Ziyala Induna zeMaNdebeleni Ukuba Kuguqulwe Ibizo Lombhuqazwe weGukurahundi


Meeting with Traditiona leaders over Gukurahundi

WASHINGTON - Induna yeGwanda, uKhulumani Mathema, utshele abantu abebebuthene emcimbini wemfanekiso yokulingisa iAsakhe Film Festival koBulawayo ngoMvulo ukuba, emhlanganweni wezinduna loMongameli Emmerson Mnangagwa kuliviki ephelileyo, kulabapha imbono yabo yokutshi kuguqulwe ibizo lombhuqazwe weGukurahundi.

UMathema uthe lokhu kwaliwa zinduna zeMaNdebeleni ngoba bakubona njengokuzama ukuhlanzekisa umhuqazwe lo.

Ibizo lokuthi Gukurahundi, okutsho izulu lakuqala eligeza izibi lengcekeza ngolimi lweSiShona, lathiwa ibutho elalilolongwe ngele North Korea, elabulala abantu abafika inkulungwane ezingamatshumi amabili – 20,000 eNkabazwe leMatabeleland ngama 1980s.

Ukucubungula loludaba, iStudio 7 ixoxe loMnu. Believe Gaule, omunye wamalunga ebandla leZanu PF kanye loMnu. Thandeko Zinti Mkandla, ocubungula ezombusazwe ezimele.

UGaule uthe ibizo kaliqakathekanga, ngoba kungayisilo elilesisindo, kodwa okwenzakalayo yikho okuqakathekileyo ukuthi kulungiswe.

Kodwa uMkandla uthe ibizo liqakathekile njalo kufanele abantu bezigaba zeNkabazwe kanye lemaNdebeleni abahlukunyezwayo kulumbuqazwe bahlale bekhumbula okwenzakalayo.

Facebook Forum

XS
SM
MD
LG