amalinks wokungena

Breaking News

Abalimi Bathi Intengo Yenhlanyelo Kayifinyeleleki


Maize seed

Intengo yenhlanyelo eZimbabwe ibiza imali ephezulu okwenza ukuba abalimi bathi bazehluleka ukulima kahle lonyaka.

Amavinkili amanengi koBulawayo lezinye indawo zelizwe athengisa inhlanyelo ngentengo ephezulu okumangalisayo. Emavinkilini amanengi, isaka elilodwa lenhlanyelo yomumbu elesilinganiso se10kg, ibiza amatshumi amathathu amadola eMelika – US$30 kuthi eyamabele elesilinganiso se5kg, ibiza amadola alitshumi lambili – US$12. Omunye umlimi, uMnu. Mathew Bhubesi, ukhala ngentengo yenhlanyelo esithi uzakwehluleka ukulima lonyaka.

“Intengo yenhlanyelo iphezulu okumangalosayo ezweni njalo mina nggayithenga kudala kodwa iyasilela nge5kg. Isimanga inengi aliholi mali yeMelika njalo uma usifuna ukuyithenga ngemali yakuleli iyabe isidula.

Inhlanyelo yamazambane
Inhlanyelo yamazambane

UMnu. Maluba Mhlaba, omunye njalo umlimi, uvumelane loSibanda esithi inhlanyelo ayithengeki.

“Lonyaka sizalaluka singalimanga ezinye indimi ngokuba inhlanyelo iyadula mina ngilensimu enkulu ngabe uhulumende uyangenela abamavinkili behlise intengo yenhlanyelo ngoba amadola angamatshumi amathathu athenga inhlanyelo elesilinganiso se10kg okutsho ukuthi kuzangidla esikhwameni.”

Umqondisi wabalimi eMatabeleland North kugatsha lweAgricultural Extension Services, uMnu. Dumisani Nyoni, uthi abalimi abazancediswa ngenhlanyelo nguhulumende ngabazangena kuhlelo lweIntwasa.

Intengo yenhlanyelo koBulawayo
Intengo yenhlanyelo koBulawayo

“Uhulumende uzanceda ngenhlanyelo kubalimi asebeqale uhlelo lweIntwasa abalimi balhangelelwe ukuba bengagebha amagodi abalimisi bazabahlola bengasuthiseka umlimi uyatholiswa inhlamyelo lomvundiso nguhulumende”

UNyoni uqhubekele phambili esithi …. “Bonke abalimi eMatabeleland North bazatholoswa inhlanyelo udubo lusekutheni abanye abalimi bayasukuma kuthi abanye bavele abazihluphi ngakho ozalungiselela uhulumende uzamupha inhlanyelo lomvundiso .”

Bayakhala abalimi abangasoze bengene kuhlelo lweIntwasa abathi intengo yenhlanyelo ikhuphuke okumangalisayo. Bathi balakho ukuthi becele uncedo lokudla ngomnyaka ozayo.

Facebook Forum

XS
SM
MD
LG