amalinks wokungena

Breaking News

Abakubandla leCCC Bathi Bazaphindisela Bengahlaselwa Ngamalunga eZanu PF eBinga Ngesikhathi Sokhetho Lwama By-elections


FILE: Banamathisela ezihlahleni amaphepha okukhankasela ukhetho kuWard 2 eMatobo

WASHINGTON: Abakubandla leCitizens Coalition for Change bathi bazaphindisela bengahlaselwa ngamalunga ebandla elibusayo ngesikhathi kuqhutshwa ukhetho lwama by-election eBinga.

UMnu. Prince Dubeko Sibanda, umgcinisihlalo weCCC esabelweni seMatabeleland North, uthi amalunga ebandla leli akhathele ngokwenzakala elizweni ngakho-ke bazimisele ukuzivikela.

Ibandla leMovement for Democratic Change ekhokhelwa nguMnu. Douglas Mwonzora, laxotsha amakhansila ebinga leVictoria Falls lisithi kukhanya sebedlelana lele CCC.

USibanda uthi abantu bonke eBinga abazancedisa amalunga eZanu PF ukuba atshaye abakubandla leCCC bazathwala nzima sokwedlule ukhetho.

Uthi akuncedi ukwekela abantu bekhahlanyezwa libandla leZanu PF.

UPhinde wathi sebelungiselele ukhetho lolu ngoba sebekhethe bonke abazancintisa.

Idale leNomination Court likhangelelwe ukuba lizahlala kwamukela amabizo abancintisa kukhetho ezigabeni eziyisithupha eBinga lesisodwa eVictoria Falls.

UMnu. Believe Gaule webandla leZanu PF uthi amalunga ebandla leCCC aphehla udlakela.

Uthi ngamanga ukuthi amalunga ebandla leZanu PF akhuthaza udlame ngesikhathi sokhetho.

Facebook Forum

XS
SM
MD
LG