amalinks wokungena

Breaking News

Kukhunjulwa uArchbishop Henry Karlen Owaqunga Isibindi Wavezela Umhlaba Wonke Umona Owenziwa yiGukurahundi


Isikhumbuzo somfundisi weRoman Catholic Church

UArchbishop Karlen wakhuluma kwazwakala emhlabeni wonke ngokwakusenziwa nguMugabe, uMnu. Emmerson Mnangagwa labanye ababesebenzisa i-Fifth Brigade, eyayibulala mahlayana abantu e-Matabeleland le-Nkabazwe eleZimbabwe lisanda kuthola uzibuse.

Inhlanganiso ye-Ibhetshu LikaZulu ngoMvulo iqhube inkonzo yesikhumbuzo sika Archbishop Henry Karlen, owaqunga isibindi waveza umbhuqazwe weGukurahundi ngesikhathi kubusa owaye nguMonagemeli umuyi uMnu. Robert Mugabe.

Ekhuluma enkonzweni le, UMfundisi Sikhalo Cele, owebandla lokholo lweSikhristu ele-United Congregational Church of Southern Africa, uthi u-Archbishop Karlen wayeyindoda emadodeni.

Abanye abantu abananze usuku lolu koBulawayo ...
Abanye abantu abananze usuku lolu koBulawayo ...

Lokhu kusekelwe nguMnu. Mbuso Fuzwayo, othi u-Archbishop Karlen wasebenza kakhulu ekuvezeni okwakusenziwa nguhulumende kaMugabe.

Abahambe enkonzweni yokunanza umfundisi omkhulu oweRoman Catholic Church.
Abahambe enkonzweni yokunanza umfundisi omkhulu oweRoman Catholic Church.

UMfundisi Useni Sibanda, okunhlanganiso yeZimbabwe Christian Alliance, uthi okwenziwa nguArchbishop Karlen yikho kanye okumele ibandla likwenze eZimbabwe.

Okwethulwa yiziphathamandla zika hulumende kaRobert Mugabe iGukurahundi ibulala abantu eMatabeleland.
Okwethulwa yiziphathamandla zika hulumende kaRobert Mugabe iGukurahundi ibulala abantu eMatabeleland.

Omunye njalo okhumbula imisebenzi kaArchbishop Karlen nguMnu. Methembe Mlandu, isakhamuzi sakoBulawayo.

Induna uDakamela uthi sebephiwe umlandu nguhulumende kaMnangagwa ukuba bahlolisise umbhuqazwe weGukurahundi.

Abantu abefika inkulungwane ezingamatshumi amabili – 20,000 babulawa ngesikhathi sombhuqazwe weGukurahundi. UArchbishop Karlen obhubhe ngomnyaka ka2012 koBulawayo eseleminyaka engamatshumi ayisificamunwe munye - 90. UMnangagwa uyakuphika ukuba wayengomunye owaphatheka kumbhuqazwe weGukurahundi.

Facebook Forum

XS
SM
MD
LG