amalinks wokungena

Breaking News

Izakhamizi zeNyandeni eGwanda Zikhala Ngokuswela Imizi Kulandela Ukudilizwa Kwezindlu Lizulu Lesiphepho


Amanxiwa adalwe lizulu lesiphepho eNyandeni eGwanda district.

Izulu leli belilolaka olwesabekayo laphakamise uphahla lwezindlu, osekutshiye imuli ezifika phose amatshumi amabili zisenkingeni.

Izulu lesiphepho lidale umonakalo omkhulu eNyandeni eGwanda North ngoLwesine ngeviki edluleyo latshiya izakhamizi zisegcekeni ngoba zidilizelwe imizi lizulu leli eliquphune lezihlala.

Izakhamizi ezixoxe lomsakazo weStudio 7 zikhala ngoncedo lokwakha imizi kanye lokudla.

Izulu leli belilolaka olwesabekayo laphakamise uphahla lwezindlu, osekutshiye imuli ezifika phose amatshumi amabili zisenkingeni.

Unkosikazi Sibongile Ndlovu oweNyandeni ngomunye walabo abadilikelwe yindlu, uthi abantwabakhe sebacelele indawo yokufihla amakhanda kumnewabo ngoba umzui wakhe usele indlu eyodwa nje kuphela ekhaya lapho alala khona lomkakhe.

“Engangikuzwa ngumoya kuphela ukuthi indlu yawa njani kutheni angizange ngizwe ngathi ngilunguza phandle ngafica indlu ayisekho , indlu siwile okwami ngaguqa ngakhuleka ngathi Nkulunkulu sengibonga uMlimu ukuthi abantwana asizange sayangena endlini, kwalimala yonke into imbheda nansiyana iqamukile ,amadrum empuphu kwanethwa kwangena inhlabathi akulanto enhle.”

Lamazwi asekelwe nguNkosikazi Saneliso Dube othi laye kabonanga lutho ngesikhathi indlu idilika.

“Indlu lathi sabona sidilikile singale ekhitshini sithethwe ngumoya izulu lisina, kwakulombani liduma kulomoya , asila ndawo yokulala kumbe loba lingasitholela intende sibe silala phakathi okwamanje njengoba izulu lingathi liyeza futhi, lokudla kwangena amanzi , ama birth sasithatha khonapha sekungene amanzi.”

UNkosikazi Sihle Ndlovu omunye wabadilikelwe ngumuzi uthi udidekile engqondweni ngalesisehlakalo.

“Amanzi angena impahla zonke zaba manzi, lokucabanga kwangicabangisa kanzima lanxa kuyinto eyenzwe nguNkulunkulu nje khonokhuyana ukuthi manje kathesi ngizaphila mpilo bani njengoba lesimo sinzima kangaka kunje nje abanwana badla nzima.”

UMnu Cornelius Dube uthi amaSolar abawasebenzisa ukudonsa amanzi lapho bethelezela esivandeni seGood Hope lawo athethwe ngumoya.

“Engadini sathi sesisithi siyavuka kusisa kwakhona iGood Hope safica amaSolar alele phansi ngomoya , amasolar lawa abethelela amanzi kuJojo, amanzi ephuma kuJojo sesiyathelela izilimo zethu.”

UMnu Issaic Muyedziwa ukhubazekile njalo usebenzisa iWheelChair ukuhamba, uthi waphosa wadilikelwa yindlu alala kiyo.

“Ngathi sengisithi ngiyahamba kwangehlula ukuthi ngihambe basebenginceda bahle bangingenisa ekhitshini , sengingene ekhitshini kulapho elaqalisa ukuna izulu lana lithe lilokhu lisina kwazwakala umsindo phandle, lana isikhathi side lithe liphela sithi siyananzelela sabona indlu siwele kudala.”

Ukhansila weNyandeni uMnu Adam Bhebhe uthi abehlelwe ngumonakalo badinga kakhulu uncedo lokudla.

“Eminye imizi kuhle kwadilika indlu kwasala ifoundation so okonakale okunengi yikudla , nxa uthenga uthenga ulebudget yokuthi uzathenga ngenyanga ezayo kodwa nxa sekuhle kwabaludaka awusela eyinye imali yokuthenga kusasa so indlala sisaba nkulu ngenxa yezulu leli.”

Lapho umsakazo weStudio 7 usiyafika eNyandeni ngoMvulo bekungakabi loncedo oseluphiwe labo abehlelwe ngumonakalo.

USikomitshi uMnu Thulani Moyo okhokhela ikomidi esiza uzulu ohlangana lengozi ezifana lalezi iCivil Protection Unit ubengakaphenduli imbuzo ngaloludaba ngesikhathi sisiya emoyeni.

please wait

No media source currently available

0:00 0:03:49 0:00

Facebook Forum

XS
SM
MD
LG