amalinks wokungena

Breaking News

Amalunga Ebandla leZanu PF Atshiya Abakubandla leCCC Ethithibele Kulandela Ukubathathela Impahla Etshiyeneyo


UNkosazana Fadzayi Mahere labanye abakubandla leCCC ngesikhathi besewofisini yeMedia Center eHarare, Tuesday, Nov. 8, 2022

Abacatshangelwa ukuba ngabalandeli bebandla elibusayo namuhla bethusele abeCCC eHarare lapho ababathathele amaphepha lokunye eMedia Center belungiselela ukuxoxisana lentathalizindaba.

Ibandla leCitizens Coalition for Change lithi lithwaliswe nzima ngele Zanu PF kodwa kalesabi lutho loba amalunga alo ekhahlanyezwa okumangalisayo ngawebandla elibusayo.

Abacatshangelwa ukuba ngabalandeli bebandla elibusayo namuhla bethusele abeCCC eHarare lapho ababathathele amaphepha lokunye eMedia Center belungiselela ukuxoxisana lentathalizindaba.

Amapholisa ngesikhathi besemawofisini yeMedia Center eHarare
Amapholisa ngesikhathi besemawofisini yeMedia Center eHarare

UNkosazana Fadzayi Mahere, isikhulumeli sebandla leCCC, utshele intathelizindaba ukuba abakubandla elibusayo bahluthune amaphepha obekumele bewasebenzise ngesikhathi bekhuluma lentathelizindaba eHarare. UMahere uthe abantu laba abambalwa babethusele okumangalisayo besithi bazabathwalisa nzima ngesikhathi kulungiselelwa ukhetho olukhulu oluzakwenziwa ngomnyaka ozayo. Kodwa uMahere uthi kabesabi luthi loba bethwaliswe nzima libandla elibusayo.

Lokhu kugcizelelwe nguNkosazana Ellen Shiriyedenga, okubandla leCCC, othi kusobala ukuba ibandla leZanu PF lifuna ukusebenzisa udlakela ngesikhathi sokhetho.

UNkosazana Fadzayi Mahere lamanye amalunga ebandla leCCC eHarare
UNkosazana Fadzayi Mahere lamanye amalunga ebandla leCCC eHarare

Okwehlele ibandla leli eHarare namuhla kumemetheka elizweni lonke kulandela ukuhlaselwa kwamalunga eCCC eMasvingo, eMashonaland West, Insiza, Matobo lezinye indawo, ngabacatshangelwa ukuthi ngamalunga ebandla leZanu PF. UMnu. Witness Dube, obona ngokwethulwa kwemibiko kubandla leMovement for Democratic Change ekhokhelwa nguMnu. Douglas Mwonzora, uthi kumele kulungiswe udaba lodlame eZimbabwe.

Lokhu kusekelwe nguMnu. Msongelwa Ndlovu, okubandla leZapu.

UMnu. Tamuka Charakupa, okhokhela ibandla leNational People’s Party, uthi ibandla leCCC leleZanu PF kumele axoxisane ngodlame ukuze kuqhutshwe ukhetho olukhulekileyo ngomnyaka ozayo.

UMnu. Munashe Mututsa, okubandla leZanu PF, uthi ibandla lakhe kalilani lokwenzakale namuhla eMedia Center.

Inhlanganiso yeZimbabwe Human Rights NGO Forum leye Zimbabwe Peace Project zibika ukuba selikhuphukile inani labantu abakhahlanyezwa ngabanye ngesikhathi kulungiselelwa ukhetho oluzayo.

Facebook Forum

XS
SM
MD
LG