amalinks wokungena

Breaking News

Izigidi Lezigidi Zezizalwane zeMelika Ziyavota Kukhetho Lokudinga Amalunga ePhalamende Labosibalukhulu


Voters in Michigan cast their ballots

WASHINGTON DC - Uzulu weMelika uvotile ngoLwesibili kukhetho lokudinga amalunga amadale womabili ephalamende abalisa eleHouse of Representative leleSenate kanye labosibalukhulu bezabelo.

Ibandla likaMongameli Joe Biden, elamaDemocrats yilo alilawula amadale womabili.

Kodwa uphenyo olwenziwe yimisakayo etshiyeneyo lenhlanganiso ezizimeleyo luveza ukuthi ibandla eliphikisayo elamaRepublicans yilo elilakho ukunqoba.

Kulokuncintisana okukhulu ezigabeni ezibaluleke kakhulu kulolukhetho ezigoqela iArizona, Pennsylvania, Georgia, Nevada laseOhio.

USA-ELECTION/
USA-ELECTION/

Ukuze amaRepublicans anqobe kukhetho lweSenate kumele ahluthunele amaDemocrats isihlalo esisodwa kuphela njalo ukuze athathe iHouse of Representative kumele ahluthune ezinhanu.

Ukuvota kuqale ngehola lesithupha ekuseni endaweni ezitshiyeneyo njalo kuzagqitshwa ntambama ngehola elifanayo.

Isizalwane seZimbabwe esivotele eOhio, uMnu Tim Muringai, umsakazo weStudio 7 ukuthi ibandla lemaRepublicans likhanya lizanqoba esigabeni sakhe.

please wait

No media source currently available

0:00 0:02:28 0:00

Abantu abanengi emhlabeni jikelele labo babheke lolukhetho ngamehlo abomvu. Kambe impumela yalo ingaba lomthelela bani kundlela iMelika edlelana layo lamazwe omhlaba?

Ingcwethi ecubungula ezombusazwe uDr. Jethro Mpofu utshele iStudio 7 ukuthi kunengi okuzaguquka ngendlela engasoze ijabulise amanye amazwe kunganqoba ibandla lamaRepublicans ngoba selivele latsho ngaphambilini ukuthi kunengi elifuna ukukuguqula.

please wait

No media source currently available

0:00 0:03:09 0:00

Facebook Forum

XS
SM
MD
LG