Useze Wakhululwa uGodfrey Sithole Ngemva Kwenyanga Phose Ezinhlanu Evalelwe eChikurubi Maximum Prison

WASHINGTON DC - Umeli weChitungwiza North edale lephalamende njalo elilunga leCCC uMnu Godfrey Sithole uze wakhululwa ngumthethwandaba kamantshi ngemali yesibambiso, i-bail, ngoLwesine ngemva kokuvalelwa ejele leChikurubi Maximum Prison okwenyanga phose ezinhlanu.

USithole ubotshwe ngoNhlangula ndawonye lamanye amalunga ebandla leCCC alitshumi lanhlanu, 15, agoqela umeli weZengeza West ephalamende uMnu Job Sikhala besetheswa umlandu wokuphehla udlakela eNyatsime.

USikhala labanye sebencitshwe i-bail kanengi njalo balokhe bevalelwe.

Igqwetha likaSithole uMnu Oliver Marwa utshele iStudio 7 ukuthi uSithole uhlawuliswe imali yesibambiso engena kunkulungwane ezingamakhulu amathathu zamadola eZimbabwe, ZW$300, 000.

Ulaywe njalo ngumatshi ukuthi ayezibika emapholiseni kanye ngeviki, aphinde aphe umthethwandaba i-passport yakhe. Kamelanga njalo aphambanise abafakazi bakahulumende

USikhala laye umiswe emthethwandaba eyedwa ngoLwesine phezu kwelinye lamacala okuphehla udlakela abhekane lawo okuthiwa walidala ngomnyaka ka2020. Kuthwe aphenduke edale mhlaka 17.

Ibandla leCCC lithi lanxa lijabulela ukukhululwa kukaSithole, lifuna uSikhala labanye bakhe abaseleyo bakhululwe ngoba bengela macala. Lokhu kugcizelelwe lilunga lalelibandla uMnu Abednico Bhebhe.

Embed share

Ingxoxo loMnu Abednico Bhebhe

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:47 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala