amalinks wokungena

Breaking News

Abatshayeli beZimbabwe Baswela Imali Yokuphenduka Ekhaya Bevela eRwanda Ngoba Umqhatshi Esala Ukubabhadala


WASHNGTON DC - KulabeZimbabwe abatshayela izimota ezinkulu, ama-roli, asebelamaviki beseRwanda abathi sebesehluleka ukuphenduka ekhaya ngoba inkampani ebibaqhatshile isala ukubabhadala.

Bayingxenye yabatshayeli abangamatshumi amane, 40, abathi baqhatshwa yinkampani yeSimba Logistics ukuthi bathwale impahla ezazisetshenziswa yinkampani yamaChina eyakha iphalamende yeZimbabwe entsha, eMount Hampden bezihabise kweleRwanda.

Abatshayeli laba bathi ekusukeni kwabo eZimbabwe babhadalwa ingxenye yemali abayivumelanayo, bathenjiswa ukuthi eseleyo bazayiphiwa ekufikeni kwabo kweleRwanda sebeqede umsebenzi.

Kodwa abatshayeli laba bathi linkampani isisala ukubabhadala imali eyasalayo. Ngokunjalo, abanye babo bathi sebehlezi nje esigodlweni seRwanda, iKigali, kanti abanye baphelelwe ngumphako emngceleni weZambia leTanzania.

Abanengi abaselamali yokuthenga ukudla kumbe idizili yokuphenduka ekhaya, kutsho omunye wabatshayeli laba ongathandanga ukubethwa ngegama oxoxe lomsakazo weStudio 7.

please wait

No media source currently available

0:00 0:01:31 0:00

Sehlulekile ukukhuluma leziphathamandla zenkampani yeSimba logistics, yona ebikwa isebenza ndawonye lenye ebizwa ngokuthi yiCeva Gogistics.

‚Äč
XS
SM
MD
LG