Kubikwa ukuba uMnu. Douglas Mwonzora, umkhokheli webandla leMovement for Democratic Change (MDC-T), wanikwa nguhulumende kaMongameli Emmerson Mnangagwa umhlabathi eNyanga lemota yohlobo lweMercedes Benz.
Iphephandaba leNewsHawks libika ukuba uhulumende wanika uMwonzora umhlabathi leMercedes Benz, kulandela imizamo yakhe yokubhidliza amabandla aphikisayo, ikakhulu eleCitizens Coalition for Change ekhokhelwa nguMnu. Nelson Chamisa.
UMwonzora uxotshise kumakhansili lakudale lephalamende bonke athe badlelana loChamisa labanye bakhe. Ubambisane lohulumende ekuguquleni imithetho ukwenzela ukuthi uMnangagwa abuse santando , akhethe abahluleleli njalo akhethe abasekeli bakhe hatshi ukuba bencintise laye kukhetho lukamongameli.
Kodwa uMwonzora utshele umsakazo weStudio 7 ukuthi kazami ukugenqula amabandla aphikisayo.
Uvumile ukuba wanikwa umhlabathi nguhulumende kanye lezimota ngoba ukhokhela amabandla aphikisayo kudale leHouse of Assembly.
UMnu. Witness Dube, obona ngokwethulwa kwemibiko kubandla leMDC-T, uthi akumangalisi ukuba uMwonzora waphiwa ipulazi kanye lezimota.