Umkhokheli weCCC uMnu Nelson Chamisa uthi lanxa esamukela ukukhululwa kwabasekeli bebandla lakhe abalitshumi lane, 14, ufuna umeli weZengeza West edale lephalamende uMnu Job Sikhala laye akhululwe.
Abasekeli seCCC laba bakhululwe yinkantolo yeHigh Court nge-bail izolo kulandela ukubotshwa kwabo kunyanga phose ezinhlanu ezedluleyo ndawonye lamalunga edale lephalamende abalisa uMnu Godfrey Sithole loMnu Job Sikhala.
USithole yena ukhululwe laye nge-bail ngeviki edluleyo.
Abantu laba babotshwe ngoNhlangula besetheswa icala lokuphehla udlakela eNyatsime. Ibandla leCCC lithi abalokhe bevalelwe nguSikhala loFelix Biri, yena owayekhululwe nge-bail kodwa waphinda wabotshwa ngeviki ephelileyo.
UChamisa uthi uSikhala laye kumele akhululwe ngokuphangisa. Sixoxe lelunga leCCC uMnu Abenico Bbhebhe.