amalinks wokungena

Breaking News

UMarvellous Nakamba oweAston Villa, uMadinda Ndlovu Labanye Abadlala Inguqu Kuzinga Eliphezulu Bathakazelela iWorld Cup 2022


Marvellous Nakamba

Amaqembu ezenguqu amazwe omhlaba atshiyeneyo angamatshumi amathathu lambili - 32 ayangqikilana kudingwa intshantshu ekhangelelwe ukuphiwa isicoco mhlaka 18 Mpalakazi kugqitshwa imidlalo le.

Umncintiswano wenguqu owokudinga intshantshu yezizwe zomhlaba oweFifa World Cup 2022 uqala ngeSonto elizweni lase Qatar.

Amaqembu ezenguqu amazwe omhlaba atshiyeneyo angamatshumi amathathu lambili - 32 ayangqikilana kudingwa intshantshu ekhangelelwe ukuphiwa isicoco mhlaka 18 Mpalakazi kugqitshwa imidlalo le.

Imidlalo yezizwe zomhlaba eyeFIFA World Cup ikhangelelwe ngabantu abanengi emhlabeni wonke jikelele kunye labadlali benguqu labo abalama qembu abawasekelayo. Asizweni ukuthi umdlali oludumo odlalela amaWarriors, uMarvelous Nakamba osedlala eBhilithane, yena usekela liphi iqembu.

"Ng’dlalele Aston Villa UK English Premiership. NgeWorld Cup ng'zabe ngisapota i-Argentina. Ngibona engani yilo iqembu elingani lidlala kakhulu okwamanje lobanje ekhona amanye amaqembu aqinileyo. Okwamanje ngisekela eleArgentina elakho ukuthola isicoco seWorld Cup eQatar."

Owake wadlalela iqembu le-Highlanders, leqembu lesizwe labafana abaleminyaka engaphansi kwamatshumi amabili lantathu under-23 kunye lelesizwe elama Warriors ngesikhathi sinye, uThulani "Biya" Ncube, yena uthini.

Thulani 'Biya' Ncube
Thulani 'Biya' Ncube

"Mina I think iWorld Cup this year, it's between Brazil and Argentina. I think those are the two teams I think they can win but kungaba lama surprise but for me I'm going with those two. Brazil or Argentina and I want Messi to win it before he retires."

UAgent “Ajira” Sawu laye owadlalela iqembu leZimbabwe Saints lelama Warriors i-Dream Team, eyayiqeqetshwa ngumuyi uReinhard Fabisch, uthi amaqembu amanengi kulumncintiswane sethuthukile kakhulu kwezemidlalo yenguqu.

"Kunzima in terms of i-competition ama-countries amanengi sekuzinga eliphezulu uma sikhangela umdlalo wenguqu ... Lapha sithandazela or sifisela i-Argentina for i-case kabani, ka-Lionel Messi; he has won everything in football except ini, iWorld Cup. I’m sure his colleagues, his team mates even i-Argentina, they are praying for uLionel Messi."

Kukanti uAlexander Maseko “The Cool Ruler” Maseko, owadlalela iqembu leHighlanders, Caps United leSundowns kunye leqembu lama Warriors, uhamba labafana beSamba Stars.

"Indaba ye-World Cup l’m thinking on my side as much as l want ama-African countries ukuthi aphumelele, that's my first choice; but l'm looking forward for Brazil to reach the finals, yaah, let's hope they will. But l really want ama-African countries to go further until ama-final.”

Umkhokheli wenhlanganiso yenguqu yeCameroon Football Association owayengu mdlali oludumo, uSamuel Eto, uthi iqembu lakhe leCameroon liyathatha inkezo le.

Amazwi akhe aphikiswa ngowayengumdlali weZimbabwe, owadlalela wabuya waqeqetsha iqembu leHighlanders, wazodlala njalo kuDream Team, uMadinda “Khathazile” Ndlovu.

"Uyabona njani ngakuthiwa bekule Zimbabwe we would be saying i-Zimbabwe ingawina because singama Zimbabweans. Laye I think uyakhuluma because ngum’ Cameroon, but I think iMorroco is much more stronger than iCameroon, ngingazi, ngumbono wami. But again anything can happen anything, can happen. We are not saying khona because uLionel Messi kakawini lutho silesifiso sokuthi uLionel Messi ake awine something laye.'

Kulokusola ukuthi kungani limncintiswane yeWorld Cup yahanjiswa elizweni elingayisilo lebhola, eleQatar njalo kutshisa okwamagama. UMadinda uthi i-World Cup ibhoda ngamazwe omhlaba, ngakho-ke abantu bengasoli.

“UBlatter laye uyasolwa, hanti laye wasuka wahambisa iWorld Cup e-South Africa. Kuvamile lokhu lingaze libuye e-Africa khonapha kuyatshisa lakho eAfrica so ibhora iyadlalwa anywhere, regardless of when. Manengi ama-countries eAfrica anga hosta i-World cup as long as kule-grant la singakwanisa ukuthi si-improve ama- grounds.”

Umncintiswano weFIFA World Cup uvame ukuqhutshwa ngenyanga kaNhlangula loNtulikazi, kodwa imidlalo yalonyaka idlalwa ngalesi s’khathi ngoba kubalekelwa ukutshisa okubakhona phakathi komnyaka elizweni leQatar, okuyilo eliqoqa limidlalo.

Facebook Forum

XS
SM
MD
LG