amalinks wokungena

Breaking News

Kuqhutshwe Ukhetho Lokudinga Ummeli Wabantu Abagogekileyo Kudale leSenate


ZEC Provincial Office

HARARE - Kuqhutshwe ukhetho lweby-election ngoMgqibelo olokudinga umeli wabantu abagogekileyo kudale Senate ozathatha isikhundla esatshiywa nguMnu Watson Khuphe, obhubhe ngoNhlangula.

Ukhetho lolu luqhutshelwe eHarare International Conference Center njalo abancintise kulo babalisa uMnu Kudakwashe Masvinyangwa, uMnu Taurai Kadzviti, uMnu Edward Mundaga kanye loMnu Ishamael Zhou.

Abane laba baqale badinga usekelo ngokuzethula phambi kwabanye babo abavotayo besitsho ukuthi bangobani lokuthi kuyini abazakwenzela abantu abagogekileyo bengakhethwa.

Kuqhutshwe ukhetho lokudinga umeli wabantu abagogekileyo kudale leSanate ngoMgqibelo.
Kuqhutshwe ukhetho lokudinga umeli wabantu abagogekileyo kudale leSanate ngoMgqibelo.

Bonke bathembise ukusebenza gadalala ukuze bathuthukise impilo zabaphila lezimo zobugoga ezitshiyeneyo.

Isisekelo sombuso weZimbabwe sipha abantu abagogekileyo ilungelo lokuba labameli ababili edale lephalamende. Omunye okhona nguSenator Nasper Manyau.

Impumela yalolukhetho izakwethulwa yiloba nini.

Kolunye udaba olwehlukileyo, iqhawe lesizwe uMnu Kenneth Manyonda ubekiwe eNational Heroes Acre eHarare ngoMgqibelo.

UManyonda ubhubhe kunsukwana ezedluleyo eseleminyaka yokuzalwa engamatshumi phose ayisitshiyagalolunye, 88.

Iqhawe lesizwe uMnu Kenneth Manyonda ungcwatshwe eNational Heroes' Acre ngoMgqibelo.
Iqhawe lesizwe uMnu Kenneth Manyonda ungcwatshwe eNational Heroes' Acre ngoMgqibelo.

Waphatha isikhundla ezitshiyeneyo ezigoqela esokuba ngumeli weBuhera edale lephalamende ngemva kokunqoba owayekhokhela ibandla leMDC osowatshonayo uMnu Morgan Tsvangirai kukhetho luka2000.

Waba ngusibalukhulu wesiqinti seManicaland, njalo waba ngumsekeli kamphathintambo wezamabhizimusi. Ngesikhathi ebhubha ubesephethe isihlalo sobuduna enguChief Nerutanga.

Ekhuluma emngcwabeni wakhe, uMongameli Emmerson Mnangagwa uthe uManyonda wafundisa abanengi ukuba kuqakathekile ukuvuselela indawo zemaphandleni, ekhuthaza amakhansili emakhaya ukuba enze kube lentuthuko endaweni zamaGrowth Point.

UManyonda wake wahlala ejele ebotshwe nguhulumende kaIan Smith ngenxa yokuphatheka kunhlelo zokugqugquzela uzibuse wabensundu.

please wait

No media source currently available

0:00 0:02:58 0:00

Facebook Forum

XS
SM
MD
LG