amalinks wokungena

Breaking News

Amabandla Aphikisayo Athi Uyazehlulekela uMnangagwa Owasusa uMugabe Esikhundleni


UMugabe loMnangagwa ...
UMugabe loMnangagwa ...

Amabandla aphikisayo athi uyazehlulekela uhulumende kaMongameli Emmerson Mnangagwa owagenqula owayengumongameli uRobert Mugabe ngomnyaka ka2017.

Ngalesisikhathi ngomnyaka ka2017, ibandla leZanu PF labambisana lele Movement for Democratic Chaneg athatha isinqumo sokuthi kumele uMugabe asuswe esikhundleni. Ibutho laselihluthune intambo zombuso.

Amabandla aphikisayo athi akulalutho osoluguqukile kusukela ngaleso sikhathi ngoba idola lelizwe seligugudeke okumangalisayo njalo uhulumende wephula ilungelo loluntu.

UMnu. Msongelwa Ndlovu, isikhulumeli sebandla leZapu, uthi akuqedakali okwenziwa nguhulumende kaMnangagwa.

Kodwa uMnu. Joseph Tshuma, okudale leCentral Committee kubandla leZanu PF, uthi kunengi okwenziwa nguhulumende kaMnangagwa.

UMugabe wabhubha kulenyanga ezimbalwa esuswe esikhundleni libutho. Wabhubha ehlaba umkhosi ngokusukwa kwakhe esikhundleni libutho elathi wayesebambisana lelalisithi lamahlongandlebe ekubuseni eleZimbabwe.

Ibutho lalifuna ukuthwalisa nzima uSikhwicamfundo Jonathan Moyo, uMnu, Saviour Kasukuwere, uMnu. Patrick Zhuao labanye ababekucele leGeneration kubandla leZanu PF ababesekela uNkosikazi Grace Mugabe, owayefuna ukuthi uMnu. Sydney Sekeremai athathe isikhundla sika Mugabe hatshi uMnangagwa.

UMoyo, Kasukuwere, Zhuwao labanye babaleka eZimbabwe bayacatsha kwamanye amazwe. UMoyo loZhuwao basanda kuloba incwadi besithi benza iphutha ngokusekela amabandla aphikisayo ngomnyaka ka2018.

‚Äč
XS
SM
MD
LG