amalinks wokungena

Breaking News

'Sebedliwe' Imali Lezifuyo Ababhejela Amaqembu Amakhulu Abhuqwa 'Ngonjwathi' Emidlalweni yeWorld Cup


Zimbabwe Gambling

Imidlalo yenguqu yomncintiswane yezizwe zomhlaba eyeWorld Cup edlalelwa kwele Qatar isitshiye inengi lababhejela imidlalo le bekhala ezimathonsi ngemva kokudliwa imali lezifuyo bebhejele amaqembu abo ezenguqu ukuthi ayanqoba kodwa kwehlule.

Amaqembu amabili abethenjiwe ukuthi azanqoba kumidlalo yabo yakuqala kulumncintiswane bawalahle phansi.

Iqembu leArgentina elidlalelwa ngumdlali odume kakhulu iLionel Messi lanqotshwa yiSaudi 2 kwathi ngoLwesithathu elama Jelimane labhuqwa 2-1 njalo yiJapan 2-1. Inengi belifake imali libhejela ukuthi ayanqoba.

UPhilani Sibanda udliwe imali yakhe. "Bengisithi lami ngizame inhlanhla ngifake okuyi US$5 bekuyizolo ngifake iArgentina US$5 nxa kuqalise kuthi half time. Second half bayitshaya angazi sokunzima njani.

Babheja endaweni ezitshiyeneyo eZimbabwe.
Babheja endaweni ezitshiyeneyo eZimbabwe.

NgoLwesine futhi ngazama ngathi kahle ngifake US$10 nanso futhi sebeyitshaya iGermany itshaywe yi-team encane iJapan hayi aah kunzima shuwa hayi bengizama lami ukujingiriza lami etown ngidobhadobhe kwasala i-change ngathi ngingezelele lami ngithole enengi aaah kwayala."

USipho Moyo laye ubebhejile usebuhlungwini bokudliwa imali ngokudliwa kwelama jelimani.

"Ibhola lapha lingilimazile lapha yazi ade ngibhejele ibhora lapha ngathatha imali yonke ngafaka eyomholo uyazi ngabengisithi iGermany izawina bangilimaza khathesi khona ukuthi abantwana ukuthi ngizabanikani ah angisakwazi haaa kunzima la."

Omdlali owake wabalodumu edlalela iqembu leHighlanders uDouglas ‘British’ Mloyi laye ubebhejile kodwa usele ebambe phansi.

"Lami ngingomunye wakhona sibili. ‘Ubufakele yiphi wena?’. Wonalawo adliwayo akhona la vele yiwo akade bengama save outs, ngathola ama surprise. Well, ngeke ngatsho ukuthi bebedelela kodwa hayi bakhubeka khonokhuyana nje okokuthi bayazama kodwa ama surprises wonalawo kodwa hayi ayiqalisanga kuhle sibili because ama big teams yiwo ahle awa. But ngiyakwazi ukuthi kuzatshintsha."

Emabhawa sokusiba lomsindo sebesilwa ababhejayo abanye bengasafuni kubhadala. UDumisani Gumede uthi sediniwe ngokulamula abalwayo ebhawa yakhe koBulawayo.

"Abantu asinqindi lezi ezikhala la. Abantu bayadliwa, abanye babheja sibili ngibone omunye izolo edliwa inja, inja yakhe yahamba. Omunye udliwe imali ubethunyelwe ukuthi ayebhadala irent yadliwa imali leyana asizibhakela ezikhala phandle. So, everyday sesilamula imsindo efika 3,4,5. Bayabuya abantu laba abanye bathi sisayine imali zabo lezi ababebhejile sigcine sathi 'ayi emthethweni thina asivunyelwa lokho sokufuna kuma betting houses'. So, hayi emabhawa lapha akumanga kuhle, ayisayiyo World Cup leyana emnandi sokuliwa sibili imsindo yakhona hayi."

Onompembe kulimdlalo kukhanya bayibambe kahle limdlalo njalo unompbe overall eSouth Africa leZambia batshaye kuhle kakhulu. Ukutshaya kwabo kuze kwajabulisa uIsrael Mugwagwa owake wabangu nompembe eZimbabwe njalo okwamanje uqeqetsha abanye onompembe koBulawayo.

"Asikaboni khonokhuyana okokuthi kuya fevwa kumbe bafuna leyi iteam ingayiphambili. Sibona unompembe we Zambia sibona unompembe weSouth Africa hayi sibatshayela ihlombe sithi baqhubeke ngaleyo ndlela otherwise imidlalo ebuyayo leyi bazakhetha."

Imidlalo le iyaphambili emini namhla iqembu lezwekazi leAfrica iCameroon inqotshwe 1 kazero yi Switzerland umdlalo ususiya emaphethelweni kukanti elinye njalo iqembu ele Africa iGhana ingqikilana lele Portugal. Kusihlwa namuhla eleBrazil lidibana lele Serbia kuphethwa ihlandla lakuqala lemidlalo yeWorld Cup 2022. Kusasa kuqala ihlandla lesibili lomncintiswane lo.

Facebook Forum

XS
SM
MD
LG