amalinks wokungena

Breaking News

Ingcwethi Zithi Kumele Abesilisa Belwisane Lokudlwengulwa Kwabantwana eZimbabwe


Pandemic Africa Zimbabwe Pregnant Girls
Pandemic Africa Zimbabwe Pregnant Girls

Inhlanganiso ye-Fathers Against Abuse, iqhube ingxogxo enkundleni yokuxhumana eye-Google Meet, ngoLwesine kusihlwa, lapho ingcwethi zamalungelo abantwana, labenhlanganiso ezitshiyeneyo abahlaziye udubo osolusabalele kwele Zimbabwe, olokukhuphuka kwenani labantwana abadlwengulwa ngabemuli, becina betholakala sebezithwele.

Sixoxe loNkosazana Sinqobizitha Nyathi, umqondisi wenhlanganiso ye-Betterman, omunye walabo abebephatheke kulingxoxo, othe kumele abesilisa bephathisane labesifazana ekuvimbeni ukudlwengulwa kwabantwana.

UNkosazana Nyathi uthe kwephula inhliziyo ukuba kulabantwana abanengi abadlwengulwa ngabemuli, izihlobo labangane.

Uthe udaba lolu lulakho ukubanjwa kahle ngabesilisa bephathisana labesifazana.

Ezinye njalo ingcwethi zethule umbono ofanayo zisithi ukukhuphuka kwenani labadlwengulwa yizihlobo kuveza njalo ukuba abantu sebelahla amasiko okukhulisa lokuvikela abantwana.

Kusanda kuvezwa indaba zabantwana abambalwa abadlwengulwa bazithwala. Omunye wabo ngoleminyaka eyisitshiyagalolunye odabuka eTsholotsho.

Omunye njalo olokhe ezithwele utholakale eBindura.

XS
SM
MD
LG