amalinks wokungena

Breaking News

EleMorocco Lingena Kusigaba Esiphezulu Semidlalo yeWorld Cup


Bathakazelela ukunqoba eleCanada emdlalweni weWorld Cup. (Photo Miguel MEDINA / AFP)
Bathakazelela ukunqoba eleCanada emdlalweni weWorld Cup. (Photo Miguel MEDINA / AFP)

EleMorroco linqobe eleCanada 2-1 ngoLwesine emdlalweni weWorld Cup kwele Qatar.

Lokhu kutsho ukuthi eleMorocco selingene kusigaba esilandelayo semidlalo yeWorld Cup. EleCanada seliphumile kumncintiswano lo.

Lokhu kwenzakala ngesikhathi uqhubekela phambili umncintiswane wemidlalo yenguqu wamazwe womhlaba wokubanga inkezo eyeWorld Cup 2022 odlalelwa kwele Qatar njalo amanye amaqembu amakhulu afana leArgentina, Spain, iNgilandi leSenegal asesiya kusigaba sesibili semidlalo le.

Iqembu lezwekazi leAfrica iTunisia ngoLwesithathu linqobe eleFrance 1-0 emdlalweni wokucina kuhlandla lakuqala kodwa lehlulekile ukuya phambili ngoba liqede lingelesithathu kungalane kaGroup D ngaphansi kweFrance leAustralia.

UBrian Marekera uthi kuyamjabulisa amaqembu eAfrica enza kuhle kulimdlalo.

"So far we are happy siyakholisa ukuthi iAfrica at least one team is through iSenegal and we are hoping ukuthi 3 out of 5 teams ezeAfrica zyangena ku-last 16 Senegal I’m betting on Senegal Morroco le Ghana."

UOcean Sibanda uvemelana loMarekera uziqhenya ngeAfrica.

"Ngendaba yebhora okwenzakalayo ekade sikucabangela besingakucabangeli ukuthi Africa teams zonke zinga khona ukuthi ziqualifaye ku round of 16 zikalutshwana eziphendukayo inhlanhla yikuthi kuphela si sapotela ukuthi kuye phambili abafana be Africa ku Africa enga a ngcono yi-Ghana leSenegal nxa zingaqina ngamandla.”

Imdlalo le ibukelwa ngabasakhulayo labadala. UMillicent Jamela ngomunye wabo.

“Ngile 22 years ngiyintombazana esakhulayo. Ngiyalithanda sibili ibhola. KuWorld Cup iBrazil yiyo engiyithandayo yiyo engiyi favor kakhulu ngifisa ukuthi ingawina sibili ezeAfrica lazo ngiyazithanda kodwa iBrazil ngiyithanda kakhulu ngifisa ukuthi inqobe sibili kuWorld Cup.

Omunye njalo ofunda ekolotshini yeNational University of Science and Technology, uBright Dube, uleqembu lakhe alithandayo.

"Ngihamba ngeBrazil. Haa!! IBrazil yiyo engibona engathi izosiphusha sibili. Lokhe ngibukele ama games so far ngingathi khona kuyathembisa sibili. Lapha eAfrika i-team engasenzela ngcono sibili mbona ngathi yi Ghana."

UDokotela TB Shoko, osebenzela kwesinye sezibhedlela zakoBulawayo, uthi inkezo ibuya kuzwekazi leAfrica.

"Mina ngokwami engubonayo iteam ezathatha iWorld Cup yiSenegal. Ngitsho ngokuthi ngabantu abamnyama if cause it's not a reason but ngabantu abamnyama mbona engathi suthi nyana balungile kakhulu bangcono labo."

Owesifazana ohlaziya ezenguqu, uThandeka Ncube, uthi inkezo iya eBrazili.

XS
SM
MD
LG