amalinks wokungena

Breaking News

UChamisa Uthi Sebethengise Ibandla Lakhe Abathethe Imali Kuhulumende Eyokwakha Izindlu


UNelson Chamisa labanye bakhe ... (Columbus Mavhunga/VOA)
UNelson Chamisa labanye bakhe ... (Columbus Mavhunga/VOA)

Umkhokheli webandla leCitizens Coalition for Change (CCC), uMnu. Nelson Chamisa, uthi abammeli bebandla lakhe abakudale lephalamende abathethe limali kuhulumende yokwakha izindlu benze iphutha ngoba kukhanya sebethengwe libandla leZanu PF.

UChamisa wethule umbiko lo enkundleni yokuxhumana eyeTwitter esithi kubi kakhulu okwenziwe ngabanye bakhe abathethe inkulungwane ezingamatshumi amane zamadola eMelika – US$40,000 eyokwakha izindlu.

Uthi abantu laba bazathwala nzima ngesikhathi sokudingwa abazamela ibandla leli edale lephalamende kukhetho oluzakwenziwa ngomnyaka ka2023.

Bathule zwi bonke abathatha imali le. Kubikwa ukuba bathi kabasoze beyibisele imali le ngoba bavumelane lomqhatshi ukuba benikwe izikwelede lezi.

UMnu. Davies Ndumiso Sibanda, ingcwethi kwezemithetho yezisebenzi, uthi abathethe imali kahulumende abakudale lephalamende leziphathamandla zikahulumende balelungelo lokuthola abakukhankaselayo.

Kodwa uSibanda uthi akuqondanga ukuba abantu laba bengikwe imali le ngesikhathi kulungiselelwa ukhetho oluzakwenziwa ngomnyaka ozayo.

XS
SM
MD
LG