amalinks wokungena

Breaking News

IHigh Court Ivimba Ukhetho Lwama By-elections eBinga


Zmbabwean Woman Votes
Zmbabwean Woman Votes

IZimbabwe Electoral Commission ithi soludluliselwe phambili ukhetho lwama by-elections obekumele luqhutshwe eBinga ngoMgqibelo.

IZEC yethule umbiko lo ngoLwesihlanu isithi lokhu kulandela isinqumo esithethwe lidale leHigh Court elithe kumele kungenziwa ukhetho ku-ward 6, 8, 10, 15 lo23 ngoba abakhethwe libandla leCitizens Coalition for Change ukuba bencintise kukhetho lolu sebemangalelwe nguMnu. Collin Mudenda othi kabahlawulanga imithelo yekhansili ngemfanelo.

Abavinjwe ngumthethwandaba nguJohn Simunene Sikabotu, Kingston Mpofu, Mathias Mudenda, Joseph Mwembe loWilson SInampolomba. IZEC ithi lungaqhubekela phambili ukhetho eBinga Rural District Council kweyinye iward kanye lalolu okumele luqhutshwe eMberengwa leGweru eNkabazwe.

UMnu. Kudakwashe Munsanka okubandla leZanu PF uthi kumele ukhetho lolu lungenziwa njengalokhu okwethulwe ngumthethwandaba.

Kodwa uMnu. Prince Dubeko Sibanda, umgcinisihlalo webandla leCCC eMatabeleland North, uthi akubamangalisi okwenziwe yiZEC ngoba ibandla leZanu PF lesaba ukuba lizanqotshwa eBinga.

XS
SM
MD
LG