amalinks wokungena

Breaking News

Ibandla leZanu PF Linqoba eleCCC Kukhetho Lwama By-elections


FILE: Uvota kukhetho ngomnyaka ka2018 eHarare, Zimbabwe, July 30, 2018.
FILE: Uvota kukhetho ngomnyaka ka2018 eHarare, Zimbabwe, July 30, 2018.

Ibandla leZanu PF linqobe eleCitizens Coalition for Change (CCC) ezigabeni ezintathu kukhetho lwama by-elections olwenziwe ngoMgqibelo eBinga leNkabazwe.

IZimbabwe Electoral Commission ibika ukuba abakubandla leZanu PF banqobe eMberengwa, eGweru kanye laku ward 20 eBinga.

EleCCC linqobe ezigabeni ezimbili eGweru. Isigaba seBinga saziwa ngokuvotela amabandla aphikisayo.

Bekumele kwenziwe olunye ukhetho kwezinye njalo izigaba ezinhlanu eBinga, olumiswe lidale leHigh Court kulandela ukumangalelwa kwamalunga ebandla leCCC nguMnu. Collen Mudenda othe akumelanga bencintise kukhetho lwama by-elections ngoba behluleka ukuhlawula imithetho yekhansili.

UJohn Simunene Sikabotu, Kingston Mpofu, Mathias Mudenda, Joseph Mwembe loWilson Sinampolomba bayakuphika lokhu besithi kwenzelwe ukuba ibandla elibusayo linganqotshwa ezigabeni okumiswe ukhetho lwama by-elections.

UMnu. Kudakwashe Munsanka, okubandla leZanu PF eBinga, uthi kuhle kakhulu okwenziwe ngabantu eBinga.

UMnu. Prince dubeko sibanda, umngcinisihlalo webandla leCCC esabelweni seMatabeleland North, uthi basahlolisisa impumela yokhetho lolu.

Kusenjalo, kuyaxokozela kubandla leMovement for Democratic Change kulandela ukumangalelwa kwebandla leli edale leHigh Court nguMnu. Norest Marara, othi kakhethwanga lidale leNational Council ukuba ancintise kukhetho lukamongameli. Kubikwa njalo kulabanye abathi kabasancintisi kukhetho lolu njalo labanye okuthiwa sebefuna ukusuka kubandla leli.

uMnu. Witness Dube, obona ngokwethulwa kwemibiko kubandla leMDC-T, uthi uMarara wenza angakwaziyo.

Kasenelisanga ukuxoxa loMnu. Norest Marara, uMnu. Elias Mudzuri labanye. Bebengaphenduli omakhalekhukhwini.

‚Äč
XS
SM
MD
LG