amalinks wokungena

Breaking News

Abasakhulayo Bakhonona Ngohlelo Lokwehlukaniswa Kwemingcele Lwezokuvota Olwe- Delimitation


Zimbabwe Youth Action Platform

Iqula le-Zimbabwe Youth Action Platform lithi ukubekwa kwemigcele ku-delimitation, akuzange kugoqele izifiso zabatsha ngoba imibono yabo ingazange ikhangelwe.

Inhlanganiso yabasakhulayo abasekela ibandla le ZANU PF eye-Zimbabwe Youth Action Platform ithi abatsha kabazange baphiwe ithuba lokupha imibono yabo kuhlelo lokwehlukaniswa kwemingcele kwezokuvota, olwe-delimitation. Bakhuthaza iZEC ukuba icabangisise ngohlelo lolu.

Iqula le-Zimbabwe Youth Action Platform lithi ukubekwa kwemigcele ku-delimitation, akuzange kugoqele izifiso zabatsha ngoba imibono yabo ingazange ikhangelwe.

Ekhuluma lentathelizindaba umkhokheli wenhlanganiso le, uMnu. Tonderai Chidau uthi kabathokozi ngendlela uhlelo lolu oluqhutshwe ngalo.

“Sibona engathi uhlelo lwe ZEC lulakho ukuphazamisa impilo zethu njengabantu abatsha. Akula muntu owakhulunywa laye ngenxa yohlelo lolu”

Uqhubeke esithi ukubekwa kwemigcele lokhu kulakho ukuphazamisa ilungelo likazulu lokukhetha inkokheli ezabasiza ngoba ezinye indawo zilakho ukuba nkulu kulenani labammeli bedale phalamende.

Ikhomishini ebona ngokuqhutshwa kokhetho, iZimbabwe Electoral Commission (ZEC), ithi abantu asebabhalesela ukuvota kumele bayehlola ukuthi imininingwane yabo ilotshwe kuhle yini ku-voters’ roll.

Kumaviki asanda kwedlula uMnu. Utloile Silaigwana umholi we ZEC, uthe kuqakathekile ukuba uzulu abekwazi ukuba linhlanganiso isebenza njani, kulokusola.

Ithi nxa kukhona okuyabe kuphambanisekile kumele kulungiswe ukuze uhlelo lokudwetshwa kutsha kwendawo zabameli bephalamende lamakhansila, olwe-delimitation, luqhutshwe kuhle kanye lokuthi umuntu enelise ukuvota kukhetho luka2023.

U-Mnu Barack Ncube webandla le ZAPU uthi bakhathazekile ngenani eliphansi elabantu ababhalisela ukuvota ngomnyaka ozayo.

Lithi lokhu kuzakwenza ukuthi inani labammeli bezigaba edale lephalamende bebebalutshwana eMatabeleland ngoba uhlelo lokuqoqa kutsha ama-constituencies, olwe-delimitation, soluzaqala ngeziki ezayo.

Ibandla le MDC-T lalo lilombono munye, okufakazwa nguMnu. Witness Dube isikhulumeli sebandla leli.

IZimbabwe Electoral Commission (ZEC) ithi ekuhleleni kutsha ama-constituencies lawa izasebenzisa amanani abantu abayabe bebhalisele ukuvota endaweni abahlala kuzo.

please wait

No media source currently available

0:00 0:05:01 0:00

Facebook Forum

XS
SM
MD
LG