amalinks wokungena

Breaking News

EzaseMelika: AmaDemocrats Anqobile Kukhetho Lokudinga uSenator weGeorgia


FILE - Sen. Raphael Warnock, D-Ga., speaks during a rally on Dec. 1, 2022, in Atlanta. Warnock is running against Republican Herschel Walker in a runoff election.

WASHINGTON DC - Ibandla elibusayo kweleMelika elamaDemocrats yilo elinqobe kukhetho lokudinga uSenator wesigaba seGeorgia kukhetho olwenziwe izolo.

Obephethe isikhundla lesi uSenator Raphel Warnock unqobe uMnu Herschel Walker owebandla lamaRepubicans.

Ababili laba bangqikilene kukhetho lwama-mid term elections olwenziwe ngoLwezi kodwa bonke behluleke ukufikisa amavoti afunwa ngumthetho.

Lokho kudale ukuthi kuyiwe kukhetho lwesibili lokubehlukanisa olwe-run-off.

Ukunqoba kwamaDemocrats kutsho ukuthi azaqhubeka elawula idale leSenate njalo aselamalunga angamatshumi amahlanu lanye, 51, kuthi amaRepublicans wona alamalunga angamatshumi amane lasitshiyagalolunye, 49.

AmaRepublicans yiwo alawula idale laphansi eleHouse of Representatives ngemva kokunqoba amaDemocrats ngesilinganiso esincane kukhetho olwenziwe ngoLwezi.

Facebook Forum

XS
SM
MD
LG