amalinks wokungena

Breaking News

Abantu koBulawayo Bathi Babandlululwa Nguhulumende kaMnangagwa


Izakhamizi zakoBulawayo.

Izakhamizi zakoBulawayo bezithe gwaqa ngoLwesibili emhlanganweni oqoqwe ngabogatsha lwezemnotho wokucubungula uhlelo lukahulumende lokuvuselela umnotho welizwe olesihloko esithi “lqhinga lokuqala lokuthuthukisa isizwe,” olwaqala ngoZibandlela womnyaka ka2021 luhlelwe ukugqitshwa ngoMpalakazi womnyaka ka2025.

Inengi labakade besemhlanganweni lo, bathi bakhathazekile ngokuma manzonzo komnotho welizwe ngoba ilizwe lilezikwelede lamanye amazwe ezedlula amabhiliyoni alitshumi lane amadola eMelika - US$14.2 billion.

Ekhuluma lezakhamizi eBulawayo Large City Hall, uMphathintambo wezomnotho welizwe, uMnu. Clemence Chidawu, uthe ubezohlola ukuba uhlelo lokuthuthukisa isizwe luqhubeka njani koBulawayo.

“Kulo umhlangano bengilande ukuthi ngizobona ngikhulumisane loBulawayo ngohlelo lwe-NDS1 ukuthi luqhuba njani ngibesengisiyakwazisa uhulumende ngokumele kuqondiswe.”

UMphathintambo wedolobho lakoBulawayo uNkosikazi Judith Ncube ongene lumhlangano uthi ukhathazekile ngokuhamba kwamandla kagesti lokwebiwa kwemitshina yamandla kagetsi okuzaphzamisa intuthuko koBulawayo.
“Udubo esilalo ngelokuhamba kwamandla kagetsi lamanzi; kukanti kubangelwa ngabantu abeba intambo lemitshina yamagetsi okuzadala ukuba intuthuko ibuyele emuva.”

Abesifazana abakubhizimusi lezokwemba okubikwa bathengisa igolide elilesilinganiso esiphezu kwamatshumi ayisithupha ekhulwini i-65 percent, bathi uhulumende kahleleke ekusebenzeni ngokuthenga lokuhlawulisa imithelo yabembi ngaphansi kwendlu eyodwa,kubika uSibonile Ngwenya.

“Sicela kuhulumende ukuba le-one-stop shop ye-mining eBhanga leSizwe ukuze sithengise igolide lethu sibuye sibhadale yonke imithelo yezokwemba ndawoyinye ukuze sisebenze kuhle.”

Osakhulayo wakoBulawayo ongene lumhlangano, uNqobizitha Zitha uchaze ukuba imali ye-Devolution Fund kumele incedise izakhamizi ezehluleka ukuhlawulela izitendi zokwakha kukhansili.

“Bekungaba kuhle ukuthi imali ye-Devolution Fund incedise abantu abehluleka ukubhadalela ama-stands abo okwesibili kukhansili ngoba uhulumende nguye owehlisa isilinganjso semali abakhayo behluleka uku-sevisa ama-stands intengo seziqansile.”

Uhulumende uthi wenza konke okusemandleni akhe ukuthi kungabi ngitsho loyedwa osalela emuva kuntuthuko ezweni jikelele: Kuthi kusiyafika umnyaka ka-2030, kungasela muntu oswelayo ezweni. Kodwa izakhamizi zakoBulawayo zikhala ngokuthi uhulumende uyababandlulula kukho konke ezweni.

Facebook Forum

XS
SM
MD
LG